पंतप्रधान नरेंद्र मोदी यांनी जनतेशी संवाद साधण्यासाठी सुरू केलेल्या ‘मन की बात’ या मासिक कार्यक्रमाचे आज (दि. ३० एप्रिल) शंभर भाग पूर्ण झाले आहेत. भाजपाकडून या कार्यक्रमाची जोरदार जाहीरात होत असताना विरोधकांनी मात्र सत्ताधाऱ्यांवर प्रश्नांची सरबत्ती केली. पंतप्रधान मोदी हे भारत-चीन सीमा विवाद, अदाणी समूह, महागाई, जम्मू-काश्मीरमध्ये वाढलेला दहशतवाद अशा महत्त्वाच्या प्रश्नांना बगल देत असल्याची टीका विरोधकांनी केली. काँग्रेसच्या अधिकृत ट्विटर हँडलवर एक ग्राफिक पोस्ट शेअर करण्यात आली आहे. या पोस्टमध्ये ‘मन की बात’ विरुद्ध ‘जन की बात’ अशी तुलना करण्यात आली आहे. मन की बात करत असताना आवाज मोठा असतो आणि जेव्हा जन की बात म्हणजे लोकांशी निगडीत प्रश्न असतात, तेव्हा आवाज बंद (Mute) होतो, असे दाखविण्यात आले आहे. जन की बात शीर्षकाखाली बेरोजगारी, महागाई, चीन विवाद, अदाणी, महिलांची सुरक्षितता, १५ लाख आणि वर्षाला दोन कोटी रोजगार अशा प्रश्नांची यादी देण्यात आली आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
