Meghalaya Elections: भाजपाला सत्ता मिळवून देण्याचा ममता बॅनर्जींच्या पक्षाचा उद्देश; राहुल गांधी यांची तृणमूल काँग्रेसवर टीका

राहुल गांधी म्हणाले, “तुम्हाला टीएमसीचा इतिहास माहितीये का? बंगालमध्ये होत असेलल्या हिंसाचाराबाबत तुम्ही जागरूक असालच. बंगालमध्ये होत असलेले घोटाळे देखील तुम्हाला माहीत असतील. शारदा घोटाळ्याबाबत आपण ऐकले असेल. तृणमूल काँग्रेसची एकूणच काम करण्याची पद्धत सर्वांना परिचित आहे. तृणमूल काँग्रेस पक्ष गोव्याच्या निवडणुकीत उतरला होता, तिथे खूप पैसा खर्च करण्यात आला. तिथे त्यांनी भाजपाला एकप्रकारे मदतच केली. मेघालयमध्ये देखील भाजपाला मदत करणे हाच त्यांचा उद्देश आहे. भाजपाला मजबूत करणं, त्यांना विजय मिळवून देण्यासाठीच तृणमूल याठिकाणी निवडणुकीत उतरली आहे.”

आणखी वाचा

‘शक्तिशाली’ भारतासाठी ‘बलशाली’ भाजप आवश्यक

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

अजित पवार स्वबळावर लढणार का ?

Nitish Kumar : नितीश कुमार ‘ॲक्शन मोड’वर; बिहार विधानसभा निवडणुकीच्या तोंडावर मंत्रिमंडळात मोठे फेरबदल करणार?

लोकसभा निवडणुकीत जिल्हाधिकार्‍यांचा सावळा गोंधळ; निवडणूक आयोगाकडून दखल; जिल्हाधिकार्‍यांची सुनावणी

Mumbai : “अदाणी समूहाला पैशांनी…”, मुंबईतल्या वांद्रे भागात उद्धव ठाकरेंच्या शिवसेनेचा पाडकामाविरोधात जोरदार राडा

डॉ. मनमोहन सिंग यांच्याबाबत अपप्रचार; माजी मुख्यमंत्री पृथ्वीराज चव्हाण यांची खंत

Uttar Pradesh Election : अयोध्येतील पराभवाचा बदला घेण्यासाठी भाजपाने उत्तर प्रदेशात कोणती रणनीती आखली?

भाजपा-रास्वसंवरही साधला निशाणा

राहुल गांधी यांनी मेघालयमध्ये प्रचार करत असताना सांगितले की, विविधतेत सुंदरता हाच भारताचा प्राण आहे. पण भाजपा आणि राष्ट्रीय स्वंयसेवक संघाला हे मंजूर नाही. ते ही बाब नाकारतात. भाजपा आणि संघाची विचारधारा, तुमच्या संस्कृती, परंपरा आणि तुमच्या धर्माला नष्ट करणारी आहे. भारतात एक विचार नाही. एक समुदाय नाही, एक भाषा नाही किंवा एक धर्म नाही. भारतात अनेक विचार आहेत, वेगवेगळे धर्म आहेत. अनेक समुदाय, भाषा आणि कितीतरी संस्कृती आहेत.

राहुल गांधी अपरिपक्व – तृणमूल काँग्रेस

राहुल गांधी यांच्या वक्तव्यानंतर तृणमूल काँग्रेसकडूनही त्यांना प्रत्युत्तर देण्यात आले आहे. तृणमूलचे उपाध्यक्ष जय प्रकाश मजूमदार यांनी गांधी यांच्यावर आरोप करताना म्हणाले, “मेघालयमध्ये ज्या पद्धतीने राहुल गांधींनी टीएमसीवर टीका केली, ती त्यांच्या अपरिपक्व राजकीय जाणीवेचे द्योतक आहे. लोकांना वाटतं की, भारत जोडो यात्रेनंतर राहुल गांधी परिपक्व झाले असतील, मात्र आम्हाला असे वाटत नाही. काँग्रेसला आता आत्मपरिक्षण करण्याची गरज आहे. त्यांना आघाडी करण्याची गरज आहे. मात्र त्यांचा अहंम अजूनही १९५० किंवा १९६० च्या दशकात आहे.”