सुजित तांबडे
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
पुणे : पुण्यात महाराष्ट्र नवनिर्माण सेनेने (मनसे) लोकसभा निवडणुकीच्या तयारीला सुरुवात केली आहे. मागील निवडणुकीमध्ये निवडणुकीसाठी उमेदवारही न देताना तटस्थ राहिलेल्या मनसेने यावेळी पुण्याकडे विशेष लक्ष केंद्रित केले आहे. मनसेचे नेते अमित ठाकरे यांनी दैनंदिन नियोजनाकडे लक्ष देण्यास सुरुवात केली असल्याने यावेळची पुण्याची जागा ‘मनसे’ लढविणार असल्याचे स्पष्ट झाले आहे. उमेदवार कोण, हे अद्याप जाहीर किंंवा सूचितही करण्यात आले नसले, तरी माजी नगरसेवक वसंत मोरे यांनी ‘भावी खासदार’ म्हणून शहरभर फलकबाजी करत उमेदवारी स्वयंंघोषित केल्याने पक्षात उलटसुलट चर्चा सुरू झाली आहे.
पुण्यात मनसेने २०१९ च्या लोकसभा निवडणुकीमध्ये उमेदवारही न देता तटस्थ राहण्याची भूमिका घेतली होती. त्यामुळे मनसेच्या पारंपरिक मतांचे विभाजन झाले होते. त्यापूर्वी मनसेने दोनवेळा उमेदवार उभे केले होते. २००९ च्या लोकसभेच्या निवडणुकीत रणजित शिरोळे यांनी ७५ हजार ९३० मते घेत मनसेची गठ्ठा मते असल्याचे सिद्ध केले होते. नंतरच्या २०१४ च्या निवडणुकीत माजी आमदार दीपक पायगुडे यांना उमेदवारी देण्यात आली. त्यांनी ९३ हजार ५०२ मते मिळविली होती. शिरोळे आणि पायगुडे हे दोघेही तिसऱ्या क्रमांकावर राहिले होते. त्यानंतरच्या निवडणुकीत मनसेने उमेदवारच न दिल्याने वेगवेगळ्या प्रकारची चर्चा झाली होती. यावेळच्या लोकसभा निवडणुकीच्यादृष्टीने मनसेने जोर धरला आहे.
हेही वाचा >>> राजस्थानात भाजप आणि काँग्रेसमध्ये उमेदवार निवडीवरून चुरस वाढली
अमित ठाकरेंकडे जबाबदारी
मनसेने पुणे लोकसभा मतदार संघाकडे विशेष लक्ष दिले आहे. या मतदारसंघाची जबाबदारी मनसे नेते अमित ठाकरे यांच्याकडे सोपविण्यात आली आहे. त्यादृष्टीने अमित ठाकरे यांनी आढावा बैठका, पक्षाच्या कोअर कमिटीच्या बैठका घेण्याचा सपाटा लावला आहे. मनसेचे अध्यक्ष राज ठाकरे यांचेही पुण्यातील दौरे वाढले आहेत. त्यामुळे यावेळी पुणे लोकसभा मतदार संघाची निवडणूक ही मनसेने मनावर घेतल्याचे दिसून येत आहे.
वसंत मोरेंची फलकबाजी
पुणे लोकसभा मतदार संघासाठी मनसेने अधिकृत उमेदवार जाहीर केलेला नाही. मात्र, मनसेचे माजी नगरसेवक वसंत मोरे यांनी शहरभर ‘भावी खासदार’ म्हणून फलकबाजी केली आहे. मात्र, मोरे यांचे शहर पदाधिकाऱ्यांशी असलेले संबंध पाहता मनसेच्या अनेक पदाधिकाऱ्यांना ही बाब खटकली आहे. पक्षाच्या शिस्तीनुसार पक्षप्रमुखांनी उमेदवारी जाहीर केल्यानंतरच फलकबाजी करायला हवी होती, असे एका वरिष्ठ पदाधिकाऱ्याने सांगितले.
‘मी इच्छुक…’
‘पुणे लोकसभा निवडणुकीसाठी मी इच्छुक आहे. याबाबत पक्षाचे अध्यक्ष राज ठाकरे आणि अमित ठाकरे यांच्याशी चर्चा केली आहे. माझ्याकडे बारामती लोकसभा मतदार संघाच्या नियोजनाची जबाबदारी देण्यात आली असली, तरी लोकसभा निवडणूक ही पुण्यातून लढविण्यासाठी मी तयार आहे. याबाबत पक्षप्रमुखांकडे इच्छा व्यक्त केली आहे’ असे मनसेचे माजी नगरसेवक वसंत मोरे यांनी सांंगितले.
पुणे : पुण्यात महाराष्ट्र नवनिर्माण सेनेने (मनसे) लोकसभा निवडणुकीच्या तयारीला सुरुवात केली आहे. मागील निवडणुकीमध्ये निवडणुकीसाठी उमेदवारही न देताना तटस्थ राहिलेल्या मनसेने यावेळी पुण्याकडे विशेष लक्ष केंद्रित केले आहे. मनसेचे नेते अमित ठाकरे यांनी दैनंदिन नियोजनाकडे लक्ष देण्यास सुरुवात केली असल्याने यावेळची पुण्याची जागा ‘मनसे’ लढविणार असल्याचे स्पष्ट झाले आहे. उमेदवार कोण, हे अद्याप जाहीर किंंवा सूचितही करण्यात आले नसले, तरी माजी नगरसेवक वसंत मोरे यांनी ‘भावी खासदार’ म्हणून शहरभर फलकबाजी करत उमेदवारी स्वयंंघोषित केल्याने पक्षात उलटसुलट चर्चा सुरू झाली आहे.
पुण्यात मनसेने २०१९ च्या लोकसभा निवडणुकीमध्ये उमेदवारही न देता तटस्थ राहण्याची भूमिका घेतली होती. त्यामुळे मनसेच्या पारंपरिक मतांचे विभाजन झाले होते. त्यापूर्वी मनसेने दोनवेळा उमेदवार उभे केले होते. २००९ च्या लोकसभेच्या निवडणुकीत रणजित शिरोळे यांनी ७५ हजार ९३० मते घेत मनसेची गठ्ठा मते असल्याचे सिद्ध केले होते. नंतरच्या २०१४ च्या निवडणुकीत माजी आमदार दीपक पायगुडे यांना उमेदवारी देण्यात आली. त्यांनी ९३ हजार ५०२ मते मिळविली होती. शिरोळे आणि पायगुडे हे दोघेही तिसऱ्या क्रमांकावर राहिले होते. त्यानंतरच्या निवडणुकीत मनसेने उमेदवारच न दिल्याने वेगवेगळ्या प्रकारची चर्चा झाली होती. यावेळच्या लोकसभा निवडणुकीच्यादृष्टीने मनसेने जोर धरला आहे.
हेही वाचा >>> राजस्थानात भाजप आणि काँग्रेसमध्ये उमेदवार निवडीवरून चुरस वाढली
अमित ठाकरेंकडे जबाबदारी
मनसेने पुणे लोकसभा मतदार संघाकडे विशेष लक्ष दिले आहे. या मतदारसंघाची जबाबदारी मनसे नेते अमित ठाकरे यांच्याकडे सोपविण्यात आली आहे. त्यादृष्टीने अमित ठाकरे यांनी आढावा बैठका, पक्षाच्या कोअर कमिटीच्या बैठका घेण्याचा सपाटा लावला आहे. मनसेचे अध्यक्ष राज ठाकरे यांचेही पुण्यातील दौरे वाढले आहेत. त्यामुळे यावेळी पुणे लोकसभा मतदार संघाची निवडणूक ही मनसेने मनावर घेतल्याचे दिसून येत आहे.
वसंत मोरेंची फलकबाजी
पुणे लोकसभा मतदार संघासाठी मनसेने अधिकृत उमेदवार जाहीर केलेला नाही. मात्र, मनसेचे माजी नगरसेवक वसंत मोरे यांनी शहरभर ‘भावी खासदार’ म्हणून फलकबाजी केली आहे. मात्र, मोरे यांचे शहर पदाधिकाऱ्यांशी असलेले संबंध पाहता मनसेच्या अनेक पदाधिकाऱ्यांना ही बाब खटकली आहे. पक्षाच्या शिस्तीनुसार पक्षप्रमुखांनी उमेदवारी जाहीर केल्यानंतरच फलकबाजी करायला हवी होती, असे एका वरिष्ठ पदाधिकाऱ्याने सांगितले.
‘मी इच्छुक…’
‘पुणे लोकसभा निवडणुकीसाठी मी इच्छुक आहे. याबाबत पक्षाचे अध्यक्ष राज ठाकरे आणि अमित ठाकरे यांच्याशी चर्चा केली आहे. माझ्याकडे बारामती लोकसभा मतदार संघाच्या नियोजनाची जबाबदारी देण्यात आली असली, तरी लोकसभा निवडणूक ही पुण्यातून लढविण्यासाठी मी तयार आहे. याबाबत पक्षप्रमुखांकडे इच्छा व्यक्त केली आहे’ असे मनसेचे माजी नगरसेवक वसंत मोरे यांनी सांंगितले.
