मुंबई : दहिसर विधानसभा मतदारसंघातील महाराष्ट्र नवनिर्माण सेनेचे उमेदवार राजेश येरूणकर यांनी मतमोजणी आणि ‘ईव्हीएम’ यंत्राच्या विश्वासार्हतेवर प्रश्न उपस्थित केले होते. परंतु मुंबई महापालिकेने त्यांच्या सर्व आरोपांचे खंडन केले आहे. महापालिकेने ‘एक्स’वरून मंगळवारी स्पष्टीकरण देत संबंधित ईव्हीएम यंत्रात त्रुटी नसल्याचा दावा केला. तसेच, ‘फॉर्म १७ सी’मधील मतमोजणीत तफावत नसल्याचेही स्पष्ट केले.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

दहिसर विधानसभा मतदारसंघातून भाजपच्या विद्यामान आमदार मनीषा चौधरी, शिवसेनेचे (उद्धव ठाकरे) माजी आमदार विनोद घोसाळकर आणि मनसेचे राजेश येरूणकर निवडणुकीच्या रिंगणात उतरले होते. येरूणकर यांना निवडणुकीत एकूण पाच हजार ४५६ मते मिळाली. मात्र, ज्या परिसरात ते राहतात तेथील मतदान केंद्रावर त्यांना एक हजार मतदारांपैकी केवळ दोनच मते मिळाली. या मतदारसंघातून मनीषा चौधरी या तिसऱ्यांदा निवडून आल्या असून, त्यांना ५८ हजार ५८७ मते मिळाली. तर, दुसऱ्या क्रमांकावरील घोसाळकर यांना ५४ हजार २५८ मते मिळाली. मात्र, स्वत:च्या मतदार यादीतील मतदान केंद्रावर केवळ दोन मते मिळाल्यामुळे येरुणकर यांनी यंत्रणेवर आक्षेप घेऊन विविध आरोप केले.

आणखी वाचा

हेही वाचा >>>विरोधक मुक्त मतदारसंघाला मुख्यमत्र्यांचे प्राधान्य

आरोपांबाबतची ध्वनिचित्रफीत समाजमाध्यमांवर मोठ्या प्रमाणात फिरू लागली होती. येरुणकर यांच्या आरोपामुळे मतमोजणी प्रक्रिया व ईव्हीएम यंत्रणेबाबतच्या विश्वासार्हतेवर प्रश्नचिन्ह उभे राहत असल्याचे लक्षात येताच महापालिका प्रशासनाने मंगळवारी ‘एक्स’वरून सर्व आरोपांचे खंडन केले.

बॅटरीबाबतही स्पष्टीकरण

कंट्रोल युनिटमध्ये २ हजार वॅट्स क्षमतेची उत्तम दर्जाची बॅटरी वापरण्यात आली आहे. एखाद्या मतदान केंद्रावर १ हजारांहून कमी मतदान झाले, तर यंत्राचा साहजिकच कमी वापर होतो. त्यामुळे वापरानंतरही यंत्राची बॅटरी ९९ टक्के दिसते, असेही महापालिकेने नमूद करत येरुणकरांनी केलेले सर्व आरोप फेटाळून लावले.

दहिसर विधानसभा मतदारसंघातून भाजपच्या विद्यामान आमदार मनीषा चौधरी, शिवसेनेचे (उद्धव ठाकरे) माजी आमदार विनोद घोसाळकर आणि मनसेचे राजेश येरूणकर निवडणुकीच्या रिंगणात उतरले होते. येरूणकर यांना निवडणुकीत एकूण पाच हजार ४५६ मते मिळाली. मात्र, ज्या परिसरात ते राहतात तेथील मतदान केंद्रावर त्यांना एक हजार मतदारांपैकी केवळ दोनच मते मिळाली. या मतदारसंघातून मनीषा चौधरी या तिसऱ्यांदा निवडून आल्या असून, त्यांना ५८ हजार ५८७ मते मिळाली. तर, दुसऱ्या क्रमांकावरील घोसाळकर यांना ५४ हजार २५८ मते मिळाली. मात्र, स्वत:च्या मतदार यादीतील मतदान केंद्रावर केवळ दोन मते मिळाल्यामुळे येरुणकर यांनी यंत्रणेवर आक्षेप घेऊन विविध आरोप केले.

आणखी वाचा

हेही वाचा >>>विरोधक मुक्त मतदारसंघाला मुख्यमत्र्यांचे प्राधान्य

आरोपांबाबतची ध्वनिचित्रफीत समाजमाध्यमांवर मोठ्या प्रमाणात फिरू लागली होती. येरुणकर यांच्या आरोपामुळे मतमोजणी प्रक्रिया व ईव्हीएम यंत्रणेबाबतच्या विश्वासार्हतेवर प्रश्नचिन्ह उभे राहत असल्याचे लक्षात येताच महापालिका प्रशासनाने मंगळवारी ‘एक्स’वरून सर्व आरोपांचे खंडन केले.

बॅटरीबाबतही स्पष्टीकरण

कंट्रोल युनिटमध्ये २ हजार वॅट्स क्षमतेची उत्तम दर्जाची बॅटरी वापरण्यात आली आहे. एखाद्या मतदान केंद्रावर १ हजारांहून कमी मतदान झाले, तर यंत्राचा साहजिकच कमी वापर होतो. त्यामुळे वापरानंतरही यंत्राची बॅटरी ९९ टक्के दिसते, असेही महापालिकेने नमूद करत येरुणकरांनी केलेले सर्व आरोप फेटाळून लावले.