उत्तर नागपूरमध्ये तिसऱ्यांदा राऊत- माने लढत

विद्यमान आमदार डॉ. नितीन राऊत यांनी १९९९ पासून चार वेळा उत्तर नागपूर विधानसभा मतदारसंघातून विजय मिळवला. पण, २०१४ मध्ये त्यांचा भाजपचे डॉ. मिलिंद माने यांनी पराभव केला होता. त्यावेळी बसपमधून किशोर गजभिये यांनी ५५ हजार मते घेतली होती. अनुसूचित जातीच्या मतांचे विभाजन होऊन यावेळी काँग्रेसला फटका बसल्याने भाजपच्या डॉ. मानेंचा विजयाचा मार्ग सुकर झाला होता. त्यावेळी बसपने काँग्रेसपेक्षा जास्त मते घेतली होती. काँग्रेसला २७.५४ टक्के आणि बसपाला ३०.३७ टक्के मिळाली होती, तर भाजपचे डॉ. मिलिंद माने यांनी ३७.९३ टक्के मते घेत विजय संपादन केला होता. यावरून अनुसूचित जातीच्या मतांचे विभाजन झाले तरच भाजपसाठी संधी निर्माण होऊ शकते, हे स्पष्ट आहे. हे समीकरण बघता डॉ. मानेंच्या विजयासाठी भाजपधुरीण काय डावपेच आखतात, याकडे सर्वांचे लक्ष लागले आहे.दुसरीकडे, बसपचे बुद्धम राऊत आणि अपक्षांची भूमिका या निवडणुकीत महत्वाची ठरणार आहे.

आणखी वाचा

जागांच्या अदलाबदलीत पवारांची यशस्वी खेळी, राष्ट्रवादीला नागपूर शहरात एक जागा

27 October Horoscope : अचानक धनलाभ ते‌ वैवाहिक…

नागपूर : फडणवीस सहाव्यांदा; बावनकुळे, खोपडे चौथ्यांदा अन्…

‘पर्वती’मध्ये आमदार मिसाळांची धाकधूक वाढली?

नागपूर : धक्कादायक! प्रेयसीच्या चारित्र्यावर संशय; मित्राला घराच्या छतावरून फेकले…

Delhi Politics : दिल्लीत भाजपा ‘आप’चा खेळ बिघडवणार? विधानसभेसाठी आखली ‘ही’ योजना

लोकजागर : ‘नॉट रिचेबल’ नाना!

अमित शहांचा दौरा गणेश नाईकांसाठी फलदायी ?

हेही वाचा >>>Raver Vidhan Sabha Constituency: रावेरमध्ये शिरीष चौधरी, हरिभाऊ

भाजपचे ५० हजार दलित मतविभाजनाचे लक्ष?

२०१९ मध्ये डॉ. मिलींद माने यांनी ६६ हजार १२७ तर डॉ. नितीन राऊत यांना ८६ हजार मते मिळाली होती. यावेळीही बसपचे सुरेश साखरे यांनी २३ हजार तर वंचितचे विनय भांगे यांनी ५ हजार ५९९ मते घेतली होती. यावेळीही दलित मतांचे विभाजन झाले होते. असे असतानाही राऊत यांनी २० हजार मतांनी विजय मिळवला होता. पुन्हा एकदा उत्तर नागपूरचा सामना माने आणि राऊत यांच्यात रंगणार असल्याने भाजपला विजयासाठी किमान ५० हजार दलित मतांच्या विभाजनाची गरज पडणार आहे.