काँग्रेसचे नेते राहुल गांधी हे सध्या युरोपच्या दौऱ्यावर आहेत आणि त्यांनी पुन्हा एकदा परदेशातून भाजपावर हल्लाबोल केला. “नरेंद्र मोदी यांच्या नेतृत्वाखालील भाजपाला कसेही करून पुन्हा सत्तेत यायचे आहे आणि त्यांच्या कृतीमध्ये हिंदूंसाठी काहीही नाही.”, अशी टीका राहुल गांधी यांनी शनिवारी (दि. ९ सप्टेंबर) पॅरिसमधील सायन्सेस पीओ विद्यापीठ येथे संवाद साधत असताना केली. सायन्सेस पीओ विद्यापीठ हे फ्रान्समधील समाजशास्त्र विषयातील प्रितिष्ठित संस्था असल्याचे मानले जाते.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
यावेळी राहुल गांधी यांनी भारत जोडो यात्रा, लोकशाही यंत्रणा वाचविण्यासाठी विरोधक लढत असलेली लढाई आणि जागतिक विषयांवर आपली मते मांडली. राहुल गांधी यांनी सांगितले की, विरोधी पक्ष भारताचा आत्मा जपण्यासाठी लढा देण्यास कटिबद्ध आहे आणि देश सध्याच्या अशांत वातवरणातून नक्कीच बाहेर येईल. ब्रुसेल्स नंतर राहुल गांधी यांनी भेट दिलेले पॅरिस हे दुसरे शहर आहे.
राहुल गांधी यांना हिंदू राष्ट्रवादाबद्दल प्रश्न विचारण्यात आल्यानंतर ते म्हणाले, “मी गीता वाचली आहे. मी अनेक उपनिषदे वाचली आहेत. मी अनेक हिंदू ग्रंथ वाचले आहेत. त्यावरून सांगू शकतो की, भाजपा सध्या जे काही करत आहे, त्यात हिंदूंसाठी काहीही नाही”. याबाबतचा व्हिडिओ आता राहुल गांधी यांच्या टविटर हँडलवर पोस्ट करण्यात आला आहे.
INDIA, Bharat Jodo Yatra, Geo-politics, Cronyism and other national & global issues – An engaging conversation with the students and faculty at Sciences PO University, Paris, France.
— Rahul Gandhi (@RahulGandhi) September 10, 2023
Watch the full video on my YouTube Channel:https://t.co/emcHLwBQoI pic.twitter.com/COXVM1zcAL
“दहशत माजवा किंवा तुमच्यापेक्षा कमकुवत असलेल्या लोकांचे नुकसान करा”, हे मी कुठेही, कोणत्याही हिंदू ग्रंथात वाचले नाही किंवा कुणा विद्वान हिंदू व्यक्तीकडून ऐकलेले नाही. हिंदू राष्ट्रवाद ही संकल्पना आणि हा शब्द चुकीचा आहे. हिंदू राष्ट्रवाद असे काही नसते. त्यांचा हिंदू धर्माशी काहीही संबंध नाही. त्यांना फक्त कोणत्याही परिस्थितीत सत्ता मिळवायची आहे आणि त्यासाठी ते वाटेल ते करायला तयार आहेत. त्यांना फक्त काही लोकांचे वर्चस्व निर्माण करायचे आहे. त्यांच्यात हिंदू असे काही नाही.”, असेही राहुल गांधी पुढे म्हणाले.
भारतातील लोकशाही धोक्यात आहे. विरोधकांचा आवाज दाबला जातोय आणि घटनात्मक संस्था काबीज केल्या जात आहेत, असे दावे राहुल गांधी यांनी परदेश दौऱ्याच्या निमित्ताने अनेकदा केले आहेत. यावर्षी फेब्रुवारी-मार्च महिन्यात राहुल गांधी यूकेच्या दौऱ्यावर गेले होते. त्यावेळी त्यांनी भारतातील लोकशाही ही जगाच्या हिताची कशी आहे आणि भारतातील लोकशाही कमकुवत झाल्यास त्याचा जगावर कसा परिणाम होईल, याबद्दल भाष्य केले होते. या विधानानंतर भाजपाकडून राहुल गांधीवर बरीच टीका झाली. परदेशात जाऊन भारताची बदनामी करत असल्याचा आरोप भाजपाने केला आणि राहुल गांधी यांनी देशाची माफी मागावी, अशी मागणीही केली.
इंडिया आणि भारत या वादावर बोलत असताना गांधी म्हणाले की, संविधानात स्पष्टपणे “इंडिया दॅट इज द भारत, राज्यांचा संघ” असा उल्लेख केलेला आहे. या राज्यांनी एकत्र येऊन इंडिया किंवा भारत बनला आहे. सर्वात महत्त्वाचे काय आहे, तर या राज्यातील सर्व लोकांचा आवाज ऐकला जावा आणि कुणाच्याही आवाजाला दाबता कामा नये, असेही राहुल गांधी यावेळी म्हणाले.
यावेळी राहुल गांधी यांनी भारत जोडो यात्रा, लोकशाही यंत्रणा वाचविण्यासाठी विरोधक लढत असलेली लढाई आणि जागतिक विषयांवर आपली मते मांडली. राहुल गांधी यांनी सांगितले की, विरोधी पक्ष भारताचा आत्मा जपण्यासाठी लढा देण्यास कटिबद्ध आहे आणि देश सध्याच्या अशांत वातवरणातून नक्कीच बाहेर येईल. ब्रुसेल्स नंतर राहुल गांधी यांनी भेट दिलेले पॅरिस हे दुसरे शहर आहे.
राहुल गांधी यांना हिंदू राष्ट्रवादाबद्दल प्रश्न विचारण्यात आल्यानंतर ते म्हणाले, “मी गीता वाचली आहे. मी अनेक उपनिषदे वाचली आहेत. मी अनेक हिंदू ग्रंथ वाचले आहेत. त्यावरून सांगू शकतो की, भाजपा सध्या जे काही करत आहे, त्यात हिंदूंसाठी काहीही नाही”. याबाबतचा व्हिडिओ आता राहुल गांधी यांच्या टविटर हँडलवर पोस्ट करण्यात आला आहे.
INDIA, Bharat Jodo Yatra, Geo-politics, Cronyism and other national & global issues – An engaging conversation with the students and faculty at Sciences PO University, Paris, France.
— Rahul Gandhi (@RahulGandhi) September 10, 2023
Watch the full video on my YouTube Channel:https://t.co/emcHLwBQoI pic.twitter.com/COXVM1zcAL
“दहशत माजवा किंवा तुमच्यापेक्षा कमकुवत असलेल्या लोकांचे नुकसान करा”, हे मी कुठेही, कोणत्याही हिंदू ग्रंथात वाचले नाही किंवा कुणा विद्वान हिंदू व्यक्तीकडून ऐकलेले नाही. हिंदू राष्ट्रवाद ही संकल्पना आणि हा शब्द चुकीचा आहे. हिंदू राष्ट्रवाद असे काही नसते. त्यांचा हिंदू धर्माशी काहीही संबंध नाही. त्यांना फक्त कोणत्याही परिस्थितीत सत्ता मिळवायची आहे आणि त्यासाठी ते वाटेल ते करायला तयार आहेत. त्यांना फक्त काही लोकांचे वर्चस्व निर्माण करायचे आहे. त्यांच्यात हिंदू असे काही नाही.”, असेही राहुल गांधी पुढे म्हणाले.
भारतातील लोकशाही धोक्यात आहे. विरोधकांचा आवाज दाबला जातोय आणि घटनात्मक संस्था काबीज केल्या जात आहेत, असे दावे राहुल गांधी यांनी परदेश दौऱ्याच्या निमित्ताने अनेकदा केले आहेत. यावर्षी फेब्रुवारी-मार्च महिन्यात राहुल गांधी यूकेच्या दौऱ्यावर गेले होते. त्यावेळी त्यांनी भारतातील लोकशाही ही जगाच्या हिताची कशी आहे आणि भारतातील लोकशाही कमकुवत झाल्यास त्याचा जगावर कसा परिणाम होईल, याबद्दल भाष्य केले होते. या विधानानंतर भाजपाकडून राहुल गांधीवर बरीच टीका झाली. परदेशात जाऊन भारताची बदनामी करत असल्याचा आरोप भाजपाने केला आणि राहुल गांधी यांनी देशाची माफी मागावी, अशी मागणीही केली.
इंडिया आणि भारत या वादावर बोलत असताना गांधी म्हणाले की, संविधानात स्पष्टपणे “इंडिया दॅट इज द भारत, राज्यांचा संघ” असा उल्लेख केलेला आहे. या राज्यांनी एकत्र येऊन इंडिया किंवा भारत बनला आहे. सर्वात महत्त्वाचे काय आहे, तर या राज्यातील सर्व लोकांचा आवाज ऐकला जावा आणि कुणाच्याही आवाजाला दाबता कामा नये, असेही राहुल गांधी यावेळी म्हणाले.
