रशियाबाबत मोदी सरकारने घेतलेल्या भूमिकेला विरोधकांचा पाठिंबा; राहुल गांधींचे परदेशातून समर्थन

मल्लिकार्जुन खरगे यांना जी-२० च्या सहभोजनासाठी आमंत्रण न दिल्यामुळे विरोधकांनी सरकारवर टीका केली आहे. "भारताच्या ६० टक्के लोकसंख्येतून जे नेते येतात, त्यांची भाजपाला अजिबात पर्वा नाही", अशी प्रतिक्रिया राहुल गांधी यांनी दिली.

काँग्रेस नेते राहुल गांधी यांनी बेल्जियम येथे पत्रकार परिषदेला संबोधित केले. (Photo - PTI)

रशिया आणि युक्रेनच्या संघर्षाच्या पार्श्वभूमीवर भारत सरकारने जी भूमिका घेतली आहे, त्याला देशातील विरोधी पक्षांचा पाठिंबा असल्याचे राहुल गांधी यांनी शुक्रवारी (दि. ८ सप्टेंबर) ब्रुसेल्स, बेल्जियम येथे बोलताना सांगितले. पाश्चिमात्य देशांनी निर्बंध घातल्यानंतरही भारत अजूनही रशियाकडून इंधन विकत घेणार का? असा प्रश्न राहुल गांधी यांना विचारण्यात आला होता. यावर बोलत असताना राहुल गांधी म्हणाले की, भारत हा मोठा देश आहे आणि भारत हा जगातील कोणत्याही देशासोबत संबंध ठेवू शकतो. भारताचे रशियाशी संबंध असणे ही सामान्य आणि स्वाभाविक गोष्ट आहे, यावर विरोधकांचा कोणताही वेगळा विचार नाही, अशी स्पष्ट भूमिका राहुल गांधी यांनी परदेशात बोलत असताना मांडली.

माजी पंतप्रधान मनमोहन सिंग यांनी रशिया-युक्रेन युद्धावरील मोदी सरकारच्या भूमिकेला पाठिंबा दिल्यानंतर राहुल गांधी यांचे हे वक्तव्य समोर आले आहे. “माझा विश्वास आहे की, भारताने आपल्या सार्वभौम आणि आर्थिक हितसंबंधांना प्राधान्य देऊन शांततेचे आवाहन केले आहे”, अशी भूमिका मनमोहन सिंग यांनी द इंडियन एक्सप्रेसला दिलेल्या मुलाखतीत मांडली.

आणखी वाचा

State Congress president Nana Patole demanded those who desecrate constitution should punished

“संविधानाची विटंबना करण्याचे धाडस होतेच कसे,” नाना पटोले यांची टीका; म्हणाले…

nana patekar reacts on allu arjun arrest

अल्लू अर्जुनच्या अटक प्रकरणावर नाना पाटेकर म्हणाले, “कोणाला…

Rahul Narwekar : संख्याबळ नाही तरीही मविआला विरोधी पक्षनेतेपद देणार का? राहुल नार्वेकरांनी स्पष्टच सांगितलं

धनखड सरकारचे प्रवक्ते! मल्लिकार्जुन खरगेंचा हल्लाबोल; हा जाट समुदायाचा अपमान भाजपचे प्रत्युत्तर

BJP : उपराष्ट्रपती व्ही. पी. धनखड यांना हटवण्यासाठी विरोधकांचा गोंधळ, भाजपाने नेमकी काय खेळी केली?

रशियाने भारताला सुपूर्द केली क्षेपणास्त्राने सुसज्ज युद्धनौका; ‘आयएनएस तुशील’ काय आहे? भारतासाठी याचे महत्त्व काय?

Russia Discovers Ancient Gold Treasure in Crimea — Ukraine Considers It Looting

“ते आमचा वारसा लुटत आहेत,” युक्रेनचा आरोप; रशियाने क्रिमियामध्ये शोधला प्राचीन सोन्याचा खजिना !

Aaditya Thackeray : महाराष्ट्र कर्नाटक सीमाभागाबाबत आदित्य ठाकरेंची मोठी मागणी; म्हणाले, “सर्व विवादित भाग…”

खरगे यांना सहभोजनासाठी आमंत्रण का नाही?

काँग्रेसचे राष्ट्रीय अध्यक्ष मल्लिकार्जुन खरगे यांना जी-२० शिखर परिषदेनिमित्त आयोजित केलेल्या सहभोजनास आमंत्रित केले नसल्याचा मुद्दा पत्रकारांनी राहुल गांधी यांनी घेतलेल्या पत्रकार परिषदेत उपस्थित केला. यावर गांधी म्हणाले की, देशाच्या ६० टक्के जनतेमधून जे नेते येतात, त्यांची पर्वा भाजपा करत नाही. यावर आणखीही विचार करण्यासारख्या अनेक बाबी आहेत.

कलम ३७०

संविधानातील कलम ३७० बाबत आमची भूमिका स्पष्ट आहे. काँग्रेसच्या केंद्रीय कार्यकारिणीच्या बैठकीत त्यासंबंधी ठरावदेखील झालेला आहे. आपल्या देशातील प्रत्येक व्यक्तिला स्वतःचा आवाज आहे आणि त्याला व्यक्त होण्याची मुभा आहे. याची खात्री करण्याचे आमचे काम आहे. काश्मीरचा विकास व्हावा, काश्मीर प्रगतीपथावर राहावा आणि तिथे शांतता नांदावी, असे आम्हाला प्रकर्षाने वाटते.

राहुल गांधी एक आठवड्याच्या युरोप दौऱ्यावर गेले आहेत. तिथे ते भारतीय नागरिकांच्या भेटी-गाठी घेतील आणि युरोपियन युनियनच्या विधिज्ञांना भेटतील. हा दौरा इंडियन ओव्हरसिस काँग्रेसने आयोजित केला आहे.

इंडिया दॅट इज भारत, हेच माझ्यासाठी महत्त्वाचे

सध्या भारत विरुद्ध इंडिया असा वाद सुरू आहे. यावर बोलताना ते म्हणाले की, संविधानात अनुच्छेद एक मध्ये ‘इंडिया दॅट इज भारत’ अशी तरतूद करण्यात आली आहे आणि माझ्यासाठी तेवढेच महत्त्वाचे आहे. आमच्या आघाडीवरून लक्ष वळविण्यासाठी त्यांच्याकडून ही अस्वस्थ प्रतिक्रिया उमटली असल्याची टीकाही राहुल गांधी यांनी केली.

First published on: 08-09-2023 at 18:32 IST

Web Title: Opposition agrees with indias position on russia says rahul gandhi in brussels kvg