भविष्यातील मतभेद टाळण्यासाठीच परिणय फुकेंना विधानपरिषदेची उमेदवारी!

फुके हे उपमुख्यमंत्री देवेंद्र फडणवीस यांचे अत्यंत निकटवर्ती आणि खंदे समर्थक मानले जातात. २०१६ ते २०२२ या कालावधीत ते भंडारा-गोंदिया स्थानिक स्वराज्य संस्था मतदारसंघातून विजयी झाले होते. त्यावेळी राष्ट्रवादीचे जैन, भाजपचे फुके आणि काँग्रेसचे प्रफुल्ल अग्रवाल, अशी तिरंगी लढत झाली होती. निवडणुकीच्या दोन दिवसाआधी फडणवीस गोंदिया-भंडारा जिल्ह्यांत फिरले आणि विजयाचे गणित बदलले. फुके यांनी जैन यांना पराभूत करून प्रफुल्ल पटेल यांना मोठा धक्का दिला होता.

आणखी वाचा

हॅटट्रिक, हॅटट्रिक आणि डबल हॅटट्रिक की…

अमरावती जिल्‍ह्यात वाढलेल्‍या मतदानावर दावे-प्रतिदावे

देवेंद्र फडणवीस यांच्या ‘दक्षिण-पश्चिम’मध्ये मतदानात तीन टक्क्यांची वाढ

दलित, मुस्लीम मतांचे विभाजन न झाल्यास भाजपला धोका! उत्तर नागपूर मतदारसंघात ६४ हजार मतांची वाढ

दक्षिण नागपूरमधील महिलांची वाढलेली मते निर्णायक

पूर्व नागपूरचा निकाल बंडखोरच ठरवणार

मध्य नागपूरमध्ये ३४ हजार वाढीव मतांवरच विजयाचे गणित

पश्चिम नागपूरध्ये लाडक्या बहिणींचे मतदान अधिक, कौल कुणाला?

गोंदिया जिल्ह्यात वाढीव मतदानाने उमेदवारांना धडकी! ‘लाडकी बहीण’चा प्रभाव, की परिवर्तनाची नांदी?

हेही वाचा – विधानसभेची उमेदवारी गृहीत धरून नरसय्या आडम यांचे ‘व्होट भी-नोट भी’ अभियान सुरू

या विजयानंतर प्रथमच आमदार झालेल्या फुकेंना फडणवीस यांनी राज्यमंत्रिपद दिले. त्यांनी भंडारा जिल्ह्याचे पालकमंत्रिपदही सांभाळले. त्यानंतर फुके यांनी साकोली विधानसभा मतदारसंघातून नाना पटोले यांच्या विरोधात निवडणूक लढली. यात फुकेंचा पराभव झाला. लोकसभा निवडणूक लढण्यासाठी फुके इच्छुक होते. मात्र, पक्षश्रेष्ठींकडून उमेदवारीस नकार मिळाल्यामुळे फुके नाराज झाले. त्यांची नाराजी दूर करण्यासाठी विधानपरिषदेची उमेदवारी त्यांना देण्यात आली.

हेही वाचा – काँग्रेसने मणिपूरमध्ये १० वेळा राष्ट्रपती राजवट लागू केल्याचे मोदींचे वक्तव्य; काय आहे इतिहास?

फुके यांचा विधानपरिषद सदस्यत्वाचा पहिला कार्यकाळ दीड वर्षांपूर्वीच संपला होता. लोकसभेची उमेदवारी न मिळाल्यामुळे फुकेंना पुन्हा एकदा स्थानिक स्वराज्य संस्था मतदारसंघातून विधानपरिषदेची उमेदवारी दिली जाईल, असा अंदाज बांधला जात होता. मात्र, यामुळे महायुतीत वाद उद्भवण्याची शक्यताही होती. कारण, प्रफुल्ल पटेल आणि राजेंद्र जैन महायुतीत सहभागी राष्ट्रवादी काँग्रेस या घटकपक्षाचे भंडारा-गोंदिया जिल्ह्यातील वरिष्ठ नेते समजले जातात. स्थानिक स्वराज्य संस्थेच्या उमेदवारीसाठी पटेल आणि जैन आग्रही असतीलच. भविष्यात या जागेवरून महायुतीत वाद उद्भवू नये, यासाठीच फुके यांना विधानपरिषदेवर पाठवून सुरक्षित करण्याची खेळी भाजपने खेळली आहे. आता स्थानिक स्वराज्य संस्था मतदारसंघातून कोणाला उमेदवारी दिली जाते, हे पाहणे औत्सुक्याचे ठरणार आहे.