पंतप्रधान मोदींचा हल्ला दानिश अलींसाठी कौतुकाचा विषय, काय म्हणाले अली?

राम मंदिर प्राणप्रतिष्ठा सोहळ्याचे निमंत्रण नाकारल्याबद्दल आणि ‘भारत माता की जय’ या घोषणेला आक्षेप घेतल्याबद्दल मोदींनी अलींवरही हल्ला चढवला. “ज्याला आपल्या मातृभूमीबद्दल कृतज्ञता दाखवायला आवडत नाही, अशा व्यक्तीला संसदेत प्रवेश द्यावा का?, असा सवालही पंतप्रधान नरेंद्र मोदींनी उपस्थित केलाय. सपा-काँग्रेस आघाडीचे संयुक्त उमेदवार अली यांचा अमरोहामध्ये बसपाचे मुजाहिद हुसेन आणि भाजपाचे कंवरसिंग तन्वर यांच्याशी सामना आहे. हुसेन यांची पत्नी गाझियाबाद जिल्ह्यातील नगर पंचायत सदस्य आहे, त्या सपा-काँग्रेसच्या मुस्लिम मतांमध्ये फूट पाडू शकतात, तर तन्वर (गुज्जर नेता) यांचा अमरोहा येथे बेस आहे. २०१४ मध्ये त्यांनी १.५८ लाख मतांच्या फरकाने विजय मिळवला होता. २०१९ मध्ये बसपा आणि सपा यांचे संयुक्त उमेदवार म्हणून लढत असलेल्या अली यांनी तन्वर यांचा ६३,२४८ मतांनी पराभव केला होता. अली यांनी द इंडियन एक्स्प्रेसला दिलेल्या मुलाखतीत मोदी आणि मायावती यांच्या वक्तव्यावर भाष्य केलं आहे.

आणखी वाचा

Narendra Modi : “आम्ही बाळासाहेबांचं स्वप्न पूर्ण केलं”, पंतप्रधान मोदींचं छ. संभाजीनगरमध्ये वक्तव्य; काँग्रेसवर टीका करत म्हणाले…

Nana Patole : निकालाआधी राजकीय घडामोडींना वेग; यातच…

Revanth Reddy : “ते भारताचे पंतप्रधान आहेत, पण…”; तेलंगणाच्या मुख्यमंत्र्यांची नरेंद्र मोदींवर गंभीर टीका!

Dhananjay Munde : “पंकजाताईने मन मोठं केलं म्हणून…”, धनंजय मुंडेंचं परळीकरांसमोर वक्तव्य; म्हणाले, “मतदारसंघात लोकसभा निवडणुकीवेळी…”

भाजपाचे नेते काँग्रेसच्या मुख्यमंत्र्यांचे चीअरलीडर्स आहेत; केटी रामाराव यांचा आरोप!

मोदी विश्वगुरू असले तरी माझे नाव घेतल्याशिवाय त्यांना… उद्धव ठाकरे यांचा टोला

Dhananjay Mahadik : धनंजय महाडिक आगीतून फुफाट्यात? महिलांबाबत केलेल्या वक्तव्यावरून माफी मागताना नवं वक्तव्य, म्हणाले…

हेही वाचाः मतदारसंघाचा आढावा : नांदेड; निवडणूक चिखलीकरांची आणि नेतृत्व कसोटी अशोक चव्हाण यांची!

पंतप्रधानांनी तुमच्यावर केलेला हल्ला कसा पाहता?

मुळात पंतप्रधान आणि संपूर्ण भाजपा अडचणीत आहे, कारण १७ व्या लोकसभेत त्यांना नाराज करणाऱ्या काही खासदारांपैकी मी एक होतो. जेव्हा त्यांचे सरकार आणि पक्ष शेतकरी, महिला आणि तरुणांच्या विरोधात काम करतात, तेव्हा मी त्यांना नेहमीच आरसा दाखवण्याचा प्रयत्न केला. सतत आवाज उठवणाऱ्या मोजक्या लोकांमध्ये मी पहिला होतो. त्यामुळेच मला त्यांच्या पक्षाच्या लोकांनी सभागृहात शिवीगाळ केली. त्या प्रकारानंतर त्यांचे बरेच खासदार आणि नेते बाहेर आले आणि म्हणाले की, दानिश अली नेहमी पंतप्रधान आणि गृहमंत्री यांना त्रास देतात, जेव्हा ते सभागृहात येतात आणि बोलतात. त्यांनी लोकविरोधी विधेयके आणली, तेव्हा मीच त्यांचा पर्दाफाश केला. त्यामुळेच ते माझ्यावर हल्ला करीत आहेत. ५२ वर्षे मुख्यालयावर राष्ट्रध्वज न फडकावलेल्या संघटनेतून (RSS) आलेले पंतप्रधान माझ्या देशभक्तीवर प्रश्नचिन्ह उपस्थित करीत आहे हे लज्जास्पद आहे. माझ्या पूर्वजांनी स्वातंत्र्यलढ्यासाठी प्राणांची आहुती दिली आहे.

हेही वाचाः “मोदींनी तरुणांना पूर्णपणे उद्ध्वस्त केले”, मल्लिकार्जुन खरगेंचे पंतप्रधानांवर गंभीर आरोप; काय म्हणाले?

मायावतींनी तुमच्यावर हल्ला का केला?

बसपा इंडियाच्या आघाडीत का सामील झाला नाही हे लोकांना आता समजले आहे. मी बसपाचे संस्थापक (कांशीराम) यांच्या वैचारिक पायासाठी उभा होतो. मात्र आता विविध कारणांमुळे सध्याच्या नेतृत्वावर तडजोडीचा दबाव आला आहे. लोकांना ते समजले आहे आणि ते माझ्याबरोबर आहेत. दानिश अलीचा पराभव करण्यासाठी बसपा आणि भाजपा एकत्र काम करीत आहेत. महोदय पंतप्रधान मतदारांचे ध्रुवीकरण करू शकत नाहीत. मंगळवारी अमरोहा येथे दोन आठवड्यांत मुख्यमंत्र्यांची चौथी बैठक आहे.

तुम्ही २०१९ मध्ये बसपा-सपा युतीचे उमेदवार म्हणून निवडणूक लढवली होती. आता तुम्ही काँग्रेस-सपा उमेदवार म्हणून निवडणूक लढवत आहात. दोन युतींमध्ये तुम्हाला काय फरक दिसतो?

माझा वैचारिक सहकारी आणि वैचारिक बांधिलकी एकच आहे. बसपाने पुढे जाऊन भाजपाला मदत केली आहे. सगळ्यांनाच माहीत आहे की, बसपा भाजपाला मदत करण्यासाठी एकटी लढत आहे. बसपा आणि भाजपामध्ये काही फरक नाही. आता ही खुली युती आहे.

त्यांचे हल्ले तुम्हाला निवडणुकीत आघात करीत आहेत का?

प्रत्येक समाजाची मते मला मिळत आहेत. मुस्लिम येथे बसपाच्या उमेदवाराला मतदान करणार नाहीत. काही चांगल्या बिगर मुस्लिम उमेदवारांना बसपाचे तिकीट हवे होते आणि त्यांना मैदानात उतरवले असते तर कदाचित तिरंगी लढत झाली असती. मात्र दानिश अली यांना पराभूत करण्याचे ध्येय ठेवून बसपा नेतृत्वाने मुस्लिम उमेदवार उभे करण्याचा निर्णय घेतला. पण ते माझ्या मतांमध्ये फूट पाडू शकणार नाहीत. पंतप्रधान वैयक्तिकरीत्या माझ्या निवडणुकीवर लक्ष ठेवून आहेत. मी देशातील अशा काही लोकांमध्ये आहे, ज्यांनी लोकसभेत प्रवेश केल्याने पंतप्रधान घाबरतात.

कोणत्या मुद्द्यांवर तुम्ही ही निवडणूक लढवत आहात?

लोकशाही आणि राज्यघटना वाचवणे आणि बेरोजगारी हे इथले मुद्दे आहेत. काही स्थानिक बाबींव्यतिरिक्त परीक्षेचे पेपर फुटणे हीदेखील एक समस्या आहे. आता काँग्रेसनेसुद्धा जाहीरनाम्यातून २५ आश्वासनं दिली आहेत.