सुहास सरदेशमुख लोकसत्ता
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
छत्रपती संभाजीनगर: पैठण मतदारसंघातून सलग पाच वेळा विजयी झालेल्या खासदार संदीपान भुमरे यांचे चिरंजीव विलास भुमरे यांना विधानसभा निवडणुकीमध्ये उतरविण्याची तयारी झाल्यानंतर शिवसेनेच्या ठाकरे गटाने पुन्हा एकदा भुमरे यांचा ‘मद्यविक्री’ व्यावसाय चर्चेत यावा, अशा हालचालींना सुरुवात केली आहे. ठाकरे गटाकडून निवडणूक लढविण्यास इच्छूक दत्ता गोर्डे यांनी भुमरेच्या स्नुषा वर्षा या शिक्षिका म्हणून काम करत होत्या. पण आता त्यांच्या नावावरही मद्यविक्रीचा परवाना असल्याचा आरोप केला आहे. केवळ एवढेच नाही तर मद्यपरवाने मिळविण्यासाठी उत्पन्न स्रोतापेक्षा अधिकचा पैसा कोठून आणला याची चौकशी करण्याची मागणी लोकायुक्तांकडे केली आहे.
पैठण मतदारसंघावर संदीपान भुमरे यांची मजबूत पकड आहे. त्यांना मतदारसंघातील प्रमुख कार्यकर्त्यांचे फोन नंबर मुखपाठ आहेत. ऐन निवडणुकीत लागणारी सारी सामग्री गोळा करण्याची त्याची ‘ ताकद’ आता वाढलेली आहे. मुख्यमंत्री एकनाथ शिंदे यांचे ते अधिक जवळचे असे मानले जातात. त्यामुळे आपल्या मुलास उमेदवारी मिळावी यासाठी ते प्रयत्न करत होतेच. लोकसभा निवडणुकीपूर्वीपासून विलास भुमरे यांचे नाव संभाजीनगर शहरात चर्चेत रहावे, असे प्रयत्नही त्यांनी जाणीवपूर्वक केले. मराठवाडा मंत्रिमंडळ बैठकीच्या वेळी स्वागत कमानीवर विलास भुमरे दिसू लागले.
आणखी वाचा-मुस्लीम कट्टरपंथी ते कावड सेवक; उत्तर प्रदेशच्या राजकारणातील प्रमुख चेहरा, कोण आहेत इम्रान मसूद?
पैठण तालुक्यात तसेच संभाजीनगर शहरात विविध प्रकारची कामे घेऊन येणाऱ्या कार्यकर्त्यांना विलास भुमरे यांची भेट घ्यावी लागते. लोकसभा निवडणुकीतही त्यांनी प्रचार यंत्रणा लावली होती. त्यामुळे विलास भुमरे यांना पैठण विधानसभा मतदारसंघातून निश्चत उमेदवारी दिली जाईल असा दावा केला जातो. विलास भुमरे यांच्या विरोधात शिवसेनेच्या ठाकरे गटाने आता पुन्हा तयारी सुरू केली आहे. या वेळी तोंडी आरोप करण्याऐवजी मद्य परवान्याच्या कागदपत्राच्या आधारे आरोप होऊ लागले आहेत. दत्ता गोर्डे यांनी पत्रकार बैठक घेऊन भुमरे कुटुंबियांचा ‘मद्य विक्री’ व्यावसाय पुन्हा चर्चेत आणला आहे. याशिवाय अन्यही अनेक भ्रष्टाचाराची प्रकरणे चर्चेत आणली जाऊ शकतात, अशी तयारी सुरू केली आहे. जरांगे यांच्या आंदोलनाचा लाभही भुमरे गटास होऊ शकतो, असा दावा केला जात आहे.
आणखी वाचा-संसदेचं नवं रुप आणि राहुल गांधींची बदललेली देहबोली; शशी थरुर काय म्हणाले?
संदीपान भुमरे १९९५ व १९९९,२००४ मध्ये सलग निवडून आले होते. पण २००९ मध्ये संजय वाघचौरे यांनी त्यांचा पराभव केला होता. या मतदारसंघावर १९९० पासून शिवसेनेचा वरचष्मा आहे. १९९० मध्ये अप्पासाहेब वाघचौरे ४२ हजार २७३ मते घेऊन निवडून आले होते. पण त्यानंतर भुमरे यांना या मतदारसंघ बांधला. आता हा मतदारसंघ आपल्या मुलास मिळावा यासाठी त्यांनी प्रयत्न सुरू केले आहेत. या मतदारसंघात महाविकास आघाडीकडून राष्ट्रवादीचा शरद पवार गट यांचाही दावा असू शकतो. सध्या मात्र पुन्हा एकदा भुमरे मद्यविक्री चर्चेत आली आहे.
छत्रपती संभाजीनगर: पैठण मतदारसंघातून सलग पाच वेळा विजयी झालेल्या खासदार संदीपान भुमरे यांचे चिरंजीव विलास भुमरे यांना विधानसभा निवडणुकीमध्ये उतरविण्याची तयारी झाल्यानंतर शिवसेनेच्या ठाकरे गटाने पुन्हा एकदा भुमरे यांचा ‘मद्यविक्री’ व्यावसाय चर्चेत यावा, अशा हालचालींना सुरुवात केली आहे. ठाकरे गटाकडून निवडणूक लढविण्यास इच्छूक दत्ता गोर्डे यांनी भुमरेच्या स्नुषा वर्षा या शिक्षिका म्हणून काम करत होत्या. पण आता त्यांच्या नावावरही मद्यविक्रीचा परवाना असल्याचा आरोप केला आहे. केवळ एवढेच नाही तर मद्यपरवाने मिळविण्यासाठी उत्पन्न स्रोतापेक्षा अधिकचा पैसा कोठून आणला याची चौकशी करण्याची मागणी लोकायुक्तांकडे केली आहे.
पैठण मतदारसंघावर संदीपान भुमरे यांची मजबूत पकड आहे. त्यांना मतदारसंघातील प्रमुख कार्यकर्त्यांचे फोन नंबर मुखपाठ आहेत. ऐन निवडणुकीत लागणारी सारी सामग्री गोळा करण्याची त्याची ‘ ताकद’ आता वाढलेली आहे. मुख्यमंत्री एकनाथ शिंदे यांचे ते अधिक जवळचे असे मानले जातात. त्यामुळे आपल्या मुलास उमेदवारी मिळावी यासाठी ते प्रयत्न करत होतेच. लोकसभा निवडणुकीपूर्वीपासून विलास भुमरे यांचे नाव संभाजीनगर शहरात चर्चेत रहावे, असे प्रयत्नही त्यांनी जाणीवपूर्वक केले. मराठवाडा मंत्रिमंडळ बैठकीच्या वेळी स्वागत कमानीवर विलास भुमरे दिसू लागले.
आणखी वाचा-मुस्लीम कट्टरपंथी ते कावड सेवक; उत्तर प्रदेशच्या राजकारणातील प्रमुख चेहरा, कोण आहेत इम्रान मसूद?
पैठण तालुक्यात तसेच संभाजीनगर शहरात विविध प्रकारची कामे घेऊन येणाऱ्या कार्यकर्त्यांना विलास भुमरे यांची भेट घ्यावी लागते. लोकसभा निवडणुकीतही त्यांनी प्रचार यंत्रणा लावली होती. त्यामुळे विलास भुमरे यांना पैठण विधानसभा मतदारसंघातून निश्चत उमेदवारी दिली जाईल असा दावा केला जातो. विलास भुमरे यांच्या विरोधात शिवसेनेच्या ठाकरे गटाने आता पुन्हा तयारी सुरू केली आहे. या वेळी तोंडी आरोप करण्याऐवजी मद्य परवान्याच्या कागदपत्राच्या आधारे आरोप होऊ लागले आहेत. दत्ता गोर्डे यांनी पत्रकार बैठक घेऊन भुमरे कुटुंबियांचा ‘मद्य विक्री’ व्यावसाय पुन्हा चर्चेत आणला आहे. याशिवाय अन्यही अनेक भ्रष्टाचाराची प्रकरणे चर्चेत आणली जाऊ शकतात, अशी तयारी सुरू केली आहे. जरांगे यांच्या आंदोलनाचा लाभही भुमरे गटास होऊ शकतो, असा दावा केला जात आहे.
आणखी वाचा-संसदेचं नवं रुप आणि राहुल गांधींची बदललेली देहबोली; शशी थरुर काय म्हणाले?
संदीपान भुमरे १९९५ व १९९९,२००४ मध्ये सलग निवडून आले होते. पण २००९ मध्ये संजय वाघचौरे यांनी त्यांचा पराभव केला होता. या मतदारसंघावर १९९० पासून शिवसेनेचा वरचष्मा आहे. १९९० मध्ये अप्पासाहेब वाघचौरे ४२ हजार २७३ मते घेऊन निवडून आले होते. पण त्यानंतर भुमरे यांना या मतदारसंघ बांधला. आता हा मतदारसंघ आपल्या मुलास मिळावा यासाठी त्यांनी प्रयत्न सुरू केले आहेत. या मतदारसंघात महाविकास आघाडीकडून राष्ट्रवादीचा शरद पवार गट यांचाही दावा असू शकतो. सध्या मात्र पुन्हा एकदा भुमरे मद्यविक्री चर्चेत आली आहे.
