अयोध्येतील प्राणप्रतिष्ठा सोहळ्यासाठी देशभरातील १५ दाम्पत्यांना यजमानपदाचा मान, विधीमध्ये सहभागी होता येणार!

विधीमध्ये सहभागी होण्याची संधी

अयोध्येतील श्रीराम जन्मभूमी तीर्थक्षेत्र ट्रस्टने शनिवारी एकूण १४ यजमान दाम्पत्याची यादी जाहीर केली. एका दाम्पत्याचे नाव नंतर जाहीर केले जाणार आहे. यजमानपदाचा मान मिळालेली ही १५ दाम्पत्य राम मंदिराच्या उद्घाटनादरम्यानच्या विधीमध्ये सहभागी होणार आहेत. यावेळी नरेंद्र मोदी, मोहन भागवत, ट्रस्टचे अध्यक्ष नृत्य गोपाल दास, उत्तर प्रदेशच्या राज्यपाल आनंदीबेन पटेल तसेच उत्तर प्रदेशचे मुख्यमंत्री योगी आदित्यनाथ हेदेखील उपस्थित असतील.

आणखी वाचा

मानव-वन्यजीव संघर्ष : चंद्रपूर जिल्ह्यात ३७ वन्यप्राण्यांचा तर २९ नागरिकांचा मृत्यू

अपात्र ‘लाडक्या बहिणी’ची रक्कम पुन्हा सरकारजमा

डोंबिवलीत आजदे पाड्यातील गळक्या जलवाहिनीमुळे रस्त्यावर चिखल नागरिक त्रस्त, शाळकरी विद्यार्थ्यांचे हाल

सातारा : शहीद शुभम घाडगे यांच्या पार्थिवावर अंत्यसंस्कार

कल्याणमधील अल्पवयीन मुलीचा मारेकरी विशाल, साक्षी गवळीला २ जानेवारीपर्यंत पोलीस कोठडी

कल्याणमध्ये भाजपच्या ज्येष्ठ कार्यकर्त्यावर प्राणघातक हल्ला, आरोपींच्या तात्काळ अटकेसाठी भाजपचा आंदोलनाचा इशारा

चिपळूण येथील अन्यायकारक पुररेषेबाबत फेर विचार व्हावा, आमदार शेखर निकम यांची मागणी

आता गणवेश शाळांमार्फतच, शैक्षणिक सत्र सुरू होताच ४५ लाख विद्यार्थ्यांना मिळणार लाभ

वनवासी कल्याण आश्रमाचे रामचंद्र खराडी यजमान

सध्या जाहीर केलेल्या १४ दाम्पत्यांत संघाशी निगडित असलेल्या वनवासी कल्याण आश्रमाचे अध्यक्ष रामचंद्र खराडी यांचाही समावेश आहे. खराडी हे आदिवासी समाजातून येतात. ते मूळचे उदयपूरचे आहेत. नरेंद्र मोदी यांच्या वाराणसी मतदारसंघातील तीन दाम्पत्यांनाही यजमानपदाचा मान मिळालेला आहे. यामध्ये अनिल चौधरी, काशीच्या डोम राजांचा समावेश आहे. डोम राजा हे मणिकर्णिका आणि हरिश्चंद्र घाटावर चितेला आग देण्याचे काम करतात. वाराणसीतील कैलाश यादव आणि कविंद्र प्रताप सिंह अशा आणखी दोघांना यजमानपदाचा मान मिळालेला आहे.

आणखी कोणाकोणाला यजमानपदाचा मान

यजमानपदाचा मान मिळालेल्यांमध्ये आसामचे राम कुई जेमी, जयपूरचे सरदार गुरूचरण सिंह गील, रविदासी समाजातून येणारे हरदोईचे कृष्णा मोहन, मुलतानीचे रमेश जैन, तमिळनाडूचे अदलरासन, मुंबईचे विठ्ठलराव कांबळे, लातूरचे महादेवराव गायकवाड, कर्नाटकातील लिंगराज वसावराज अप्पा, लखनौचे दिलीप वाल्मिकी, हरियाणातील अरुण चौधरी यांचा समावेश आहे.

अनिल मिश्रा प्रमुख यजमान

राष्ट्रीय स्वयंसेवक संघाचे अनिल मिश्रा आणि त्यांच्या पत्नी या यजमानांतील प्रधान यजमान असतील. प्राणप्रतिष्ठेशी नगडित सर्व विधी पार पाडतील. मिश्रा हे श्रीराम जन्मभूमी तीर्थक्षेत्राच्या ट्रस्टींपैकी एक आहेत. राम मंदिराच्या बांधकामाची जबाबदारी या श्रीराम जन्मभूमी तीर्थ क्षेत्रावर आहे.