तिहार तुरुंगातून ओमर अब्दुल्लांचा पराभव करणारे राशिद शेख कोण आहेत?

हेही वाचा : Lok Sabha Election Results Live Updates : पंतप्रधान मोदी दिल्लीतील भाजपाच्या कार्यालयात दाखल, संबोधित करण्याची शक्यता

आणखी वाचा

सांगली: जात घट्ट कराल तसा माणूस पातळ होईल; लवटे

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

Sharad Pawar : शरद पवारांचं अमित शाह यांना उत्तर, “१९७८ मध्ये मी महाराष्ट्राचा मुख्यमंत्री होतो तेव्हा हे गृहस्थ…..”

Abdul Sattar : अब्दुल सत्तार यांची मोठी घोषणा; “निवडणुकीत जात आणि धर्म आणला जातो, त्यामुळे यापुढे….”

‘कॅग’वरून ‘आप’ सरकारवर ताशेरे ; उच्च न्यायालयाच्या टिप्पणीनंतर भाजपची टीका

पंचायत ते संसद भाजपच! निवडणूक विजयासाठी केंद्रीय गृहमंत्र्यांचा कार्यकर्त्यांना कानमंत्र

शाकंभरी नवरात्र महोत्सव : सहाव्या माळेला महिषासूरमर्दिनी अलंकार महापूजा

अयोध्येत रामभक्तांची गर्दी ; रामलल्लाच्या प्राणप्रतिष्ठेचा पहिला वर्धापन दिन सोहळा

ओमर अब्दुल्ला यांनी अधिकृत निवडणूक निकाल जाहीर होण्यापूर्वीच ‘एक्स’वरील एका पोस्टमधून आपला पराभव मान्य केला आणि म्हटले, “मला वाटते की पराभव स्वीकारण्याची वेळ आली आहे. उत्तर काश्मीरमधील विजयाबद्दल इंजिनिअर राशिद यांचे अभिनंदन. राशिद इंजिनिअर यांच्या विजयाने त्यांची तुरुंगातून लवकर सुटका होईल असे मला वाटत नाही. उत्तर काश्मीरमधील जनतेला अपेक्षित असलेले प्रतिनिधित्वदेखील मिळणार नाही, पण हा मतदारांचा निर्णय आहे.” शेख अब्दुल राशिद कोण आहेत? या अपक्ष उमेदवाराने तुरुंगातून निवडणूक कशी लढवली? विजयाचे कारण काय? याबद्दल जाणून घेऊ या.

कोण आहेत इंजिनिअर राशिद?

शेख अब्दुल राशिद यांना इंजिनिअर राशिद या नावानेदेखील ओळखले जाते. त्यांनी २००८ मध्ये त्यांच्या राजकीय कारकिर्दीला सुरुवात केली. त्यांनी बांधकाम अभियंता म्हणून नोकरी सोडल्यानंतर राजकारणात पदार्पण केले. त्यानंतर हंदवारा येथील लांगेट मतदारसंघातून अपक्ष उमेदवार म्हणून विधानसभा निवडणूक लढवण्याचा त्यांनी निर्णय घेतला. लांगेट विधानसभा मतदारसंघातून ते दोनवेळा विजयी झाले.

त्यानंतर राशिद यांनी २०१९ ची लोकसभा निवडणूक बारामुल्ला मतदारसंघातून लढवली, परंतु एनसीच्या मोहम्मद अकबर लोन यांच्याकडून सुमारे ३० हजार मतांच्या फरकाने त्यांचा पराभव झाला. त्याच वर्षी, राशिद शेख यांना खोऱ्यात फुटीरतावादी कारवाया घडवून आणल्याबद्दल आणि टेरर फंडिंगशी संबंधित कथित मनी लाँड्रिंग प्रकरणात कायद्याच्या विविध कलमांखाली राष्ट्रीय तपास संस्थेकडून (एनआयए) अटक करण्यात आली. दिल्लीतील राष्ट्रीय तपास संस्थेच्या न्यायालयात हे प्रकरण अद्याप प्रलंबित आहे.

जवळपास पाच वर्षे तिहार तुरुंगात असूनही, राशिद यांनी जम्मू आणि काश्मीरचे माजी मुख्यमंत्री ओमर अब्दुल्ला आणि जम्मू आणि काश्मीर पीपल्स कॉन्फरन्स (जेकेपीसी) प्रमुख सज्जाद गनी लोन यांसारख्या राजकीय दिग्गजांच्या विरोधात निवडणूक लढवली. उल्लेखनीय म्हणजे, श्रीनगर आणि अनंतनाग-राजौरी विभागांव्यतिरिक्त बारामुल्ला ही काश्मीरमधील अशी जागा आहे, जिथे भाजपाने या लोकसभा निवडणुकीत कोणताही उमेदवार उभा केला नव्हता.

तुरुंगात असूनही राशिद शेख यांनी निवडणूक कशी जिंकली?

राशिद यांच्या अनुपस्थितीत त्यांचा २३ वर्षीय मुलगा अबरार आणि २१ वर्षीय मुलगा असरार यांनी खोऱ्यातील मोहिमेचे नेतृत्व केले. “मी काही राजकारणी नाही, मी एम.एससीचा विद्यार्थी आहे. माझ्या वडिलांनी मला नेहमीच राजकारणापासून दूर ठेवले, पण आता ते तुरुंगात असल्याने त्यांच्यासाठी आम्ही या मोहिमेत उतरलो आहोत,” असे अबरारने ‘द प्रिंट’ला सांगितले होते.

हेही वाचा : सत्ताधारी ‘आप’ला पंजाबमध्ये फटका; भाजपा शून्य तर काँग्रेसला ‘इतक्या’ जागांवर आघाडी

राशिद शेख यांच्या प्रचारसभेसाठी सर्व जिल्ह्यांतील तरुण एकत्र आले होते. “आम्ही या लोकांना पैसे दिले नाहीत. इंधन किंवा वाहनांची सोय केली नाही. पोस्टर्स लावले नाहीत. हे सर्व लोक स्वतःहून आले आहेत. लोक या मोहिमेचे नेतृत्व करत आहेत,” असे अबरारने सांगितले होते. ‘द प्रिंट’ने दिलेल्या वृत्तानुसार, राशिद शेख यांच्या समर्थकांनी त्यांच्या पगाराचा काही भाग इंधन, पोस्टर छपाई आणि अल्पोपाहारासाठी दिला. टॅक्सी आणि ट्रॅक्टरचालकांनी राशिद यांच्या प्रचारसभेसाठी त्यांची वाहनेदेखील देऊ केली होती. “राशिद साहेब विधानसभेत एकटे होते, पण त्यांनी काश्मीरसाठी, आमच्यासाठी, आमच्या प्रतिष्ठेसाठी आवाज उठवला म्हणूनच आम्ही आज या ठिकाणी आहोत, असे राशिद यांच्या प्रचारसभेत सहभागी झालेल्या तरुणाने ‘द इंडियन एक्स्प्रेस’ला सांगितले होते.