Role Of RSS In BJP Delhi Victory : दिल्लीत पाच फेब्रुवारी रोजी विधानसभा निवडणुकीसाठी मतदान पार पडले होते. या निवडणुकीचे निकाल आज जाहीर झाले. यामध्ये भारतीय जनता पार्टीने दमदार कामगिरी करत २६ वर्षांनी सत्तेत पुनरागमन केले आहे. दरम्यान भाजपाने मिळवलेल्या या विजयात अनेक छोट्या-मोठ्या घटकांनी महत्त्वाची भूमिका बजावली. त्यामध्ये राष्ट्रीय स्वयंसेवक संघाने दिल्लीत पडद्यामागून केलेल्या प्रचाराचाही मोठा वाटा आहे. आज जाहीर झालेल्या निकालातून ते पाहायलाही मिळाले आहे. राष्ट्रीय स्वयंसेवक संघाने स्थानिक मुद्द्यांभोवती चर्चा निर्माण केल्या आणि मतदारांना सर्वोत्तम उमेदवार आणि सर्वोत्तम पक्षाला मतदान करण्यास प्रवृत्त केले. निवडणुकीच्या काळात संघाच्या स्वयंसेवकांनी विविध मुद्दे उपस्थित करत, मतदारांना मतदान करण्यापूर्वी त्याबाबत विचार करण्याचे आवाहनही केले. दिल्ली बचाव अभियानांतर्गत दिल्लीतील बहुतेक भागात संघाच्या स्वयंसेवकांनी हे आंदोलन करत, ‘उत्तम दिल्ली आणि उत्तम भारतासाठी, १०० टक्के मतदान करा’, असा नारा दिला.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
