‘मविआ’मधील जागावाटपात ठाकरे गटाची कोंडी? नगर जिल्ह्यात हक्काचा मतदारसंघ नाही

डाव्या चळवळींचा बालेकिल्ला म्हणून ओळखल्या जाणाऱ्या जिल्ह्यावर नंतर काँग्रेस व त्यानंतर राष्ट्रवादी काँग्रेसने वर्चस्व निर्माण केले. मध्यंतरी युती सरकारच्या काळातही भाजप-सेना युतीने काँग्रेस व राष्ट्रवादीशी बरोबरी साधली होती. मात्र, त्यानंतर राष्ट्रवादीचे प्राबल्य कायम राहिले. सन २०१९ च्या विधानसभा निवडणुकीतही नगर जिल्ह्यातून शरद पवारांच्या राष्ट्रवादीचे सर्वाधिक म्हणजे सहा जागांवर आमदार निवडले गेले. काँग्रेसचे दोन, बाळासाहेब थोरात (संगमनेर) व लहू कानडे (श्रीरामपूर) आमदार आहेत. याच पार्श्वभूमीवर राष्ट्रवादी व काँग्रेस या दोघांकडून आपापल्या पूर्वीच्या जागांवर हक्क सांगितला जातो आहे.

आणखी वाचा

बदलापूर पूर्वेत पसरला रासायनिक वायू; रहिवाशांना डोळे चुरचुरणे, श्वसनाचा त्रास, वायूगळतीचा संशय

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

चंद्रपूर जिल्ह्यात सातवाहनकालीन वस्तीचे अवशेष; कधी होते मोठे शहर, आज आहे गर्द वनराई…

विदर्भ गारठला… गोंदिया ९.४, तर नागपूर, वर्धा १० अंश सेल्सिअस

पदावरील खाद्यापदार्थ विक्रेत्यांची अशीही चलाखी उघड; पोलीस, महापालिकेनेच दाखवली पळवाट?

उत्तरेत ऐन थंडीत बटाटा तापला; पश्चिम बंगालने राज्याबाहेर बटाटा, कांदा विक्री, वाहतुकीस घातली बंदी

“गरीब शेतकऱ्यांच्या जमिनी घशात घालून…”, वक्फ दुरुस्ती विधेयकासाठी राज ठाकरे मैदानात; केंद्र व राज्य सरकारकडे मोठी मागणी

पिंपरी-चिंचवडमध्ये गोडाऊनला भीषण आग; धुरांचे लोट काही किलोमीटर..

हेही वाचा : उमेदवारांच्या पोकळीमुळे ‘पलीकडे’ इच्छुकांना निमंत्रण – अजित पवार

नेवासा मतदारसंघातून आमदार शंकरराव गडाख अपक्ष म्हणून विजयी झाले आहेत. त्यांना राष्ट्रवादीने पाठिंबा देत त्यांच्याविरोधात उमेदवार दिला नव्हता. या आधारावर राष्ट्रवादीचे (शरद पवार) जिल्हाध्यक्ष राजेंद्र फाळके यांनी नेवासा मतदारसंघाची जागा आमचीच असल्याचे जाहीर केले आहे. परंतु आमदार गडाख यांनी नंतर शिवसेनेत प्रवेश केला, मंत्रिपदही मिळवले. परंतु ते पुन्हा अपक्ष म्हणून लढणार, की शिवसेनेच्या (उद्धव ठाकरे) नव्या पक्षचिन्हावर, याची स्पष्टता झालेली नाही. शिवाय ते जिल्ह्यातील शिवसेनेपासून (उद्धव ठाकरे) अंतर राखून आहेत. शिवसेनेचे दिवंगत उपनेते अनिल राठोड यांनी नगर शहर मतदारसंघावर दीर्घकाळ राज्य केले. मात्र, नंतर त्यांचा सलग दोन वेळा पराभव झाला आणि मतदारसंघ राष्ट्रवादीकडे गेला. नगर महापालिकेत शिवसेनेची अनेकदा सत्ता आली. त्याचाच आधार घेत शिवसेनेकडून (उद्धव ठाकरे) ‘मविआ’मधील जागावाटपात दावा केला जातो आहे. सन २०१४ मध्ये पारनेरमधून शिवसेनेचे विजय औटी विजयी झाले होते.

मात्र, सन २०१९ मध्ये त्यांच्याविरोधात बंड करत राष्ट्रवादीकडे गेलेले नीलेश लंके विजयी झाले. लंके नंतर खासदार झाले. आता लंके यांनी त्यांची पत्नी, माजी जि. प. सदस्य राणी लंके यांच्यासाठी पारनेरच्या जागेवर दावा केला आहे.