टीडीपीची एनडीएमध्ये घरवापसी! याचा फायदा नेमका कुणाला? टीडीपी की, भाजपा?

युतीची घोषणा संयुक्त निवेदनात केली

भाजप-टीडीपी आणि जेएसपी यांच्या युतीनंतर तिन्ही पक्षांनी संयुक्त निवेदन जारी केले आहे. भाजपा अध्यक्ष जेपी नड्डा, टीडीपी प्रमुख चंद्राबाबू नायडू आणि जनसेना पक्षाचे प्रमुख पवन कल्याण यांनी संयुक्त निवेदनात पंतप्रधान नरेंद्र मोदी यांच्या नेतृत्वाचे कौतुक केले आहे. पंतप्रधान मोदी गेल्या १० वर्षांपासून देशाच्या प्रगतीसाठी अविरत काम करीत असल्याचे सांगण्यात आले. आता टीडीपी आणि जेएसपीदेखील यात सामील होतील आणि आंध्र प्रदेशातील लोकांच्या आकांक्षा पूर्ण करण्यात मदत करतील. भाजपा आणि टीडीपीचे जुने नाते आहे. टीडीपी १९९६ मध्ये एनडीएमध्ये सामील झाली. त्यांनी २०१४ मध्ये अटलबिहारी वाजपेयी सरकार आणि त्यानंतर नरेंद्र मोदी सरकारमध्ये एकत्र काम केले. आता पुन्हा एकदा टीडीपी आणि भाजपा लोकसभा आणि विधानसभा निवडणुका एकत्र लढणार आहेत.

आणखी वाचा

कसब्यात एक ॲक्सिडेंटल आमदार तयार झाला : उपमुख्यमंत्री देवेंद्र फडणवीस, आमदार रविंद्र धंगेकर यांना टोला

Nana Patole : निकालाआधी राजकीय घडामोडींना वेग; यातच…

कळवा-मुंब्य्रात गुरु-शिष्याची नव्हे तर धर्म-अधर्माची लढाई, कृषीमंत्री धनंजय मुंडे यांचे मुंब्य्रातील सभेत विधान

हडपसरमध्ये राष्ट्रवादी काँग्रेसमध्ये वर्चस्वासाठीची लढाई

उपमुख्यमंत्री देवेंद्र फडणवीसांच्या विरोधात चक्क ‘क्रेन ऑपरेटर’; खात्यात केवळ दोन हजार रुपये, दीड लाखांवर कर्ज…

अमित शहांनी फोन काढला आणि थेट फडणवीसांना लावला… म्हणाले, “पुन्हा…”

“मरेपर्यंत पस्तावशील, हे लोक तुला…”, भाजपा आमदाराची भर सभेत अरेरावी; प्रश्न विचारणाऱ्यांना कार्यकर्त्यांनी हुसकावलं

हेही वाचाः मावळमध्ये महाविकास आघाडीचे ठरले, महायुतीत अद्यापही अनिश्चितता

भाजपा ६, जेएसपी २, टीडीपी १७ असा हा फॉर्म्युला असणार

आंध्र प्रदेशात लोकसभेच्या एकूण २५ जागा आहेत. मिळालेल्या माहितीनुसार, जागावाटपाचा जो फॉर्म्युला ठरला आहे, त्यात भाजपा ६ जागांवर, जनसेना पक्ष २ जागांवर आणि टीडीपी १७ जागांवर उमेदवार उभे करणार आहे. आंध्र प्रदेशात होणाऱ्या विधानसभेसाठी जागावाटपावरही चर्चा झाली आहे. राज्यात विधानसभेच्या १७५ जागा आहेत. चंद्राबाबू नायडू यांच्या टीडीपीने १४५ जागांवर निवडणूक लढवणार असल्याचे स्पष्टपणे सांगितले आहे. त्यामुळे भाजपा आणि जनसेना पक्षाला केवळ ३० जागा मिळत आहेत. मिळालेल्या माहितीनुसार, दोन्ही पक्षांमध्ये ३० जागांवर निर्णय झाला आहे.

हेही वाचाः भाजपला प्रादेशिक पक्षांच्या मैत्रीची आवश्यकता का भासू लागली?

लोकसभेसह विधानसभेवर लक्ष केंद्रित करणार

विझाग, विजयवाडा, अराकू, राजमपेट, राजमुंद्री, तिरुपती यासह काही प्रमुख मतदारसंघ राखण्याचा भाजपाचा प्रयत्न आहे. टीडीपी आणि जनसेना पक्षाच्या चर्चेतही हा मुद्दा पुढे आल्याचे मानले जात आहे. आगामी लोकसभा निवडणुकीत एकट्याने ३७० जागा जिंकण्यावर भाजपाचे लक्ष आहे. हे यश मिळवण्यासाठी प्रादेशिक पक्षांशी युती करणे महत्त्वाचे मानले जात आहे. यामुळेच आंध्र प्रदेश व्यतिरिक्त भाजपा ओडिशाचे मुख्यमंत्री नवीन पटनायक यांच्या बीजेडीबरोबर निवडणूक युती करण्याची योजना आखत आहे.

TDP-BJP एकत्र का आले?

आंध्र प्रदेशात टीडीपीबरोबर भाजपा एकत्र येण्याचे महत्त्वाचे कारण आहे. खरे तर आंध्र प्रदेशचे मुख्यमंत्री वायएस जगनमोहन रेड्डी यांच्या नेतृत्वाखालील वायएसआर काँग्रेस पक्षाला आगामी निवडणुकीत आपले वर्चस्व कायम राखायचे आहे. पाच वर्षांपूर्वी वायएसआर काँग्रेसने राज्यातील २५ लोकसभेच्या जागांपैकी २२ जागा आणि १७५ विधानसभा मतदारसंघांपैकी १५१ जागा जिंकण्यात यश मिळवले होते. याउलट भाजपाला मागील निवडणुकीत आव्हानात्मक परिस्थितीचा सामना करावा लागला होता. कारण निवडणुकीच्या मैदानात भाजपा एकटा पडला होता. त्यामुळे लोकसभा आणि विधानसभेत एकही जागा जिंकण्यात पक्षाला यश आले नाही. मागील निवडणुकीच्या निकालातून धडा घेत पक्षाने यावेळी युतीसाठी वाटचाल केली आहे. एकेकाळी एनडीएचा भाग असलेला टीडीपी आता पुन्हा एनडीएमध्ये सामील झाला आहे. टीडीपीचे अध्यक्ष चंद्राबाबू नायडू यांनाही आगामी निवडणुकीत या आघाडीचा फायदा होईल, अशी आशा व्यक्त केली आहे.