नागपूर : भाजपचा गड असलेल्या पूर्व नागपुरात २०१९मध्ये ५४.५ टक्के मतदान झाले होते. यावेळी त्यात पाच टक्के वाढ झाली. सरासरी ५९.४२ टक्के मतदान झाले. या वाढीव मतदानाच्या बळावर बंडखोरच निकाल ठरवणार, अशी या मतदारसंघात चर्चा आहे.
पूर्व नागपुरात विधानसभा निवडणुकीत ४ लाख १८ हजार ९८१ मतदार होते. त्यापैकी १ लाख २७ हजार पुरुष तर १ लाख २१ हजार ९२९ महिलांनी मतदानाचा हक्क बजावला. पुनापूर, हिवरीनगर, पारडी, चैतन्येश्वर नगर, सूर्यनगर, शांतीनगर, भरतवाडा, मिनीमाता नगर, गुलमोहोर नगर, सूर्यनगर आणि डिप्टी सिग्नल या भागात मोठ्या प्रमाणात मतदान झाले. त्यात महिला मतदारांचे प्रमाण जास्त आहे. लाडकी बहीण योजनेचा परिणाम या मतदारसंघातील काही मतदान केंद्रावर दिसून आला. उच्चभ्रू समजल्या जाणाऱ्या वर्धमाननगर, क्वेटा कॉलनी, सतनामनगर, देशपांडे लेआऊट, मस्कासाथ या भागात त्या तुलनेत मतदान कमी झाले. काँग्रेसचे बंडखोर पुरुषोत्तम हजारे आणि अजित पवार गटाच्या आभा पांडे हे किती मते घेतात, यावर निकालाची दिशा ठरण्याची शक्यता आहे.
हेही वाचा – मध्य नागपूरमध्ये ३४ हजार वाढीव मतांवरच विजयाचे गणित
हेही वाचा – पश्चिम नागपूरध्ये लाडक्या बहिणींचे मतदान अधिक, कौल कुणाला?
मतदान कधी, किती?
२०१९ – ५४,५ टक्के
२०२४ – ५९.४२ टक्के
२०१९ मध्ये मिळालेली मते
कृष्णा खोपडे (भाजप) १ लाख ३ हजार ९९२
पुरुषोत्तम हजारे (काँग्रेस) ७९ हजार ९७५
