उत्तर प्रदेशच्या मोठ्या नेत्याने राम मंदिर सोहळ्याचे आमंत्रण स्वीकारले, काँग्रेसची अडचण!

खरगे, सोनिया गांधी यांनी आमंत्रण नाकारले

काँग्रेसने घेतलेल्या भूमिकेसंदर्भात काँग्रेसच्या नेत्यांमध्ये मतभेद आहेत. सोनिया गांधी, मल्लिकार्जुन खरगे यांनी प्राणप्रतिष्ठा सोहळ्याला न जाण्याचा निर्णय घेतला आहे. मात्र या निर्णयावर काही नेत्यांनी नाराजी व्यक्त केलेली आहे. त्यातीलच एक निर्मल खत्री यांनी मी प्राणप्रतिष्ठा सोहळ्यात जाणार आहे, असे स्पष्ट केले.

आणखी वाचा

अन्यथा मते मागायला येणार नाही, असे उपमुख्यमंत्री अजित पवार का म्हणाले !

महायुतीला सत्ता मिळाली, लाडक्या बहिणींना २१०० रुपये कधीपासून…

Revanth Reddy : “ते भारताचे पंतप्रधान आहेत, पण…”; तेलंगणाच्या मुख्यमंत्र्यांची नरेंद्र मोदींवर गंभीर टीका!

संजय राऊतांमुळे राज्यातील आघाडीचे सरकार गेले, विश्वजित कदम यांची खोचक टीका

योगी आदित्यनाथ म्हणाले “काँग्रेस नेतृत्वातील ‘मविआ’ची नियत साफ नाही”

शाही परिवारासाठी काँग्रेसकडून समाज तोडण्याचे षडयंत्र; नरेंद्र मोदी यांचा गांधी परिवारावर हल्लाबोल

पंतप्रधानांना संविधानाची जाणच नाही; गोंदिया येथील प्रचारसभेत राहुल गांधी यांची टीका

काँग्रेसच्या नेत्यांनी घेतले प्रभू रामाचे दर्शन

दुसरीकडे उत्तर प्रदेश काँग्रेसच्या नेत्यांनी सोमवारी (१५ जानेवारी) मकर संक्रांतीच्या निमित्ताने अयोध्येत जाऊन शरयू नदीत स्नान केले. तसेच हनुमानगढी आणि तात्पुरते उभारण्यात आलेल्या राम मंदिराला भेट देत प्रभू रामाचे दर्शन घेतले. याच कारणामुळे मीदेखील प्राणप्रतिष्ठा सोहळ्याचे आमंत्रण स्वीकारले आहे, असे खत्री यांनी सांगितले.

“…म्हणून कार्यक्रमाचे निमंत्रण स्वीकारले”

“रामाची भक्ती करण्यात काहीही गैर नाही. रामभक्तांपैकीच एक असल्याचा मला अभिमान आहे,” असे समाजमाध्यमावर पोस्टच्या माध्यमातून खत्री म्हणाले. खत्री हे २०१२ ते २०१६ सालापर्यंत उत्तर प्रदेश काँग्रेसचे प्रदेशाध्यक्ष होते. “काँग्रेसच्या सदस्यांनी या कार्यक्रमाला जायचे की नाही, याबाबत संघटनेकडून काहीही निर्देश देण्यात आलेले नाहीत. त्यामुळे मी त्या सोहळ्यात सहभागी होणार आहे. मी त्या कार्यक्रमाचे निमंत्रण स्वीकारलेले आहे,” असे खत्री यांनी सांगितले.

“विचारांची लढाई विचारानेच लढावी लागेल”

“हाडाचा काँग्रेस कार्यकर्ता म्हणून संघाच्या विचारधारेशी लढा द्यायचा असेल तर तो विचारांनीच द्यावा लागेल, असे मला वाटते. आपल्याला आपली विचाधारा आणखी बळकट करावी लागेल. तसेच स्थानिक पातळीवर संघटनेला बळ द्यावे लागेल. याच माध्यमातून आपण लोकांपर्यंत पोहोचायला पाहिजे,” असे मतही खत्री यांनी व्यक्त केले.

निर्मल खत्री यांनी काँग्रेसचे खासदार राहुल गांधी यांच्या नेतृत्वाखालील भारत जोडो न्याय यात्रेचे कौतुक केले.