उत्तर प्रदेश पोलिसांची नेहा सिंह राठोडला नोटीस, कोण आहे ही भोजपुरी गायिका?

उत्तर प्रदेश विधानसभा निवडणुकीच्या आधी युपी में का बा? हे गाणं चांगलंच लोकप्रिय झालं होतं. या गाण्याचा प्रभाव एवढा वाढला की मोदी सरकारलाही या गाण्याची दखल घ्यावी लागली होती. त्यानंतर भाजपाचे माजी खासदार रवि किशन यांनीही याच चालीवर भाजपाचं प्रमोशन करणारं एक गाणं तयार केलं होतं. आता याच नेहा सिंह राठोडला उत्तर प्रदेश पोलिसांनी नोटीस बजावली आहे. कानपूरमध्ये बुलडोझर कारवाईत दोन महिलांचा मृत्यू झाला., या विषयावर बनवण्यात आलेल्या गाण्या प्रकरणी पोलिसांनी नोटीस पाठवली आहे. पोलिसांचं म्हणणं आहे की का बा सिझन २ या गाण्याचा व्हिडिओ समाजात द्वेष आणि तणाव पसरवण्याचं काम करतो आहे.