समाजवादी पक्षाच्या बालेकिल्ल्यातही योगी-मोदींची चर्चा; राम मंदिराबद्दल नागरिकांचं मत काय? जाणून घ्या…

उत्तर प्रदेशातील मैनपुरी जिल्ह्यातील कुरवली हे एक छोटे शहर आहे. राम मंदिर प्राणप्रतिष्ठेनिमित्त संपूर्ण बाजारपेठ दिव्यांनी आणि श्रीराम ध्वजांनी सजली आहे. सर्वत्र उत्सवाचे वातावरण आहे. शहरालगतच्या अशोकपूर गावातील २८ वर्षीय रहिवासी अजयपाल सिंहही अतिशय आनंदात आहे.

आणखी वाचा

बाजाराचा तंत्र-कल : शेअर बाजाराला बाळसं की सूज?

Sushma Andhare : “माझी प्रिय भावजय” म्हणत सुषमा…

मुंबईचे डबेवाले शिवसेनेच्या (उद्धव ठाकरे) पाठीशी

पुण्यातील कोयता गँगचा बंदोबस्त करा आणि मग आमच्या पोलीस स्टेशनवर बोला : जयंत पाटील

धंगेकर-रासने लढतीच्या दुसऱ्या फेरीत कोणाची बाजी?

महिला, शेतकऱ्यांवर आश्वासनांची खैरात; मविआचा ‘महाराष्ट्रनामा’ जाहीर

चंद्रचूड यांच्या कार्यकाळात सत्तासंघर्षाचा निकाल लांबणीवर पडणे अतर्क्य ; सिंघवी

मतांसाठीच दलित, आदिवासी हिताची भाषा ; काँग्रेस अध्यक्ष मल्लिकार्जुन खरगे यांचा आरोप

सिंह म्हणतात, “लोकांची श्रद्धा रामाशी शतकानुशतके जोडलेली आहे आणि २२ जानेवारीला त्यांची अनेक दशकांची तपस्या पूर्ण होणार आहे. आमच्यासाठी योगी-मोदींच्या नेतृत्वात हे रामराज्यच आहे. २२ जानेवारीनंतर सर्व देवी-देवता पृथ्वीवर अवतरतील, ही आमची श्रद्धा आहे.”

सिंह आणि त्यांचे मित्र लोधी राजपूत (ओबीसी) आहेत. भाजपाच्या काळात मशीद पाडली गेली आणि भाजपाच्या राज्यातच मंदिरही तयार होत असल्याचा आनंद त्यांनी दर्शवला.

मध्य यूपीमधील मैनपुरी-इटावा पट्टा हा समाजवादी पक्षाचा (एसपी) बालेकिल्ला आहे. इथे दिवंगत संस्थापक मुलायम सिंह यादव यांचे निवासस्थानही आहे. यादवांचे वर्चस्व असलेले क्षेत्र म्हणून मैनपुरी आणि इटावा ओळखले जाते. मुलायम सिंह यांची सून डिंपल यादव सध्या मैनपुरीच्या खासदार आहेत.

मैनपुरी आणि इटावा जिल्ह्यांमध्ये लोधी राजपूत आणि शाक्य-कुशवाहांची लोकसंख्या मोठी आहे. लोधी राजपूत आणि शाक्य-कुशवाहा हे फार पूर्वीपासून भाजपाचे पारंपरिक मतदार होते. यामुळे मोदींच्या नेतृत्वाखालील भाजपालाही त्यांचे पूर्ण समर्थन आहे.

उत्तर प्रदेशच्या राजकारणात भाजपा राम मंदिरामुळे मंदिराचा पक्ष म्हणून ओळखला जात आहे. उत्तर प्रदेशमध्ये मुलायम सिंह यांनीच मुख्यमंत्री असताना ३० ऑक्टोबर आणि २ नोव्हेंबर १९९० रोजी राम जन्मभूमीच्या दिशेने येणाऱ्या कारसेवकांवर गोळीबार करण्याचे आदेश दिले होते. यामध्ये २० हून अधिक कारसेवक मारले गेले होते.

प्रखर हिंदुत्ववादी नेता अशी ओळख असलेले दिवंगत भाजपा नेते कल्याण सिंह यांच्या नेतृत्वाखाली उत्तर प्रदेशमध्ये भाजपा सरकारच्या काळात बाबरी मशीद पाडण्यात आली. जनतेने हा काळ आणि संघर्ष कधीही विसरू नये, अशी भाजपाची इच्छा आहे. परंतु, या घटनेच्या ३० वर्षांनंतर नवीन पिढीच्या हातात सर्व कारभार आला; यामुळे इतिहासातील या घटना पूसट होत गेल्या.

हेही वाचा : काँग्रेसचे ज्येष्ठ नेते सुशील कुमार शिंदे यांचा खळबळजनक दावा; म्हणाले, “भाजपाने मला दोनदा संपर्क साधला अन्… “

मंदिराच्या उद्घाटनाबद्दल खासदार डिंपल म्हणाल्या, “आमंत्रण दिले तर आम्ही जाऊ.” मला अद्याप कोणतेही निमंत्रण मिळाले नसल्याचे सांगत, येत्या काही दिवसांत माझे संपूर्ण कुटुंब अयोध्येला जाणार हे तुम्हाला दिसेल, असे डिंपल यांनी स्पष्ट केले. पती आणि समाजवादी पक्षाचे प्रमुख अखिलेश यादव यांनीही जाहीर केले की, मंदिर तयार होत असल्याचा त्यांना खूप आनंद आहे, ते नंतर मंदिराला भेट देतील.