Loksabha Election 2024 : ईदनिमित्त खास भाषण, मोदी सरकारवर हल्लाबोल; मुस्लीम मतांवर ममता बॅनर्जींचा डोळा!

मोदी सरकारकडून बंगालमध्ये अशांतता निर्माण करण्याचा प्रयत्न- ममता बॅनर्जी

ममता बॅनर्जी ईद-उल-फित्रच्या पार्श्वभूमीवर शनिवारी (२३ एप्रिल) कोलकाता येथे आयोजित केलेल्या एका नमाजला उपस्थित राहिल्या. या वेळी त्यांच्यासोबत त्यांचा पुतण्या अभिषेक बॅनर्जी तसेच मंत्री जावेद खान उपस्थित होते. या वेळी त्यांनी मुस्लीम बांधवांना संबोधित केले. मला दंगली नको आहेत. मला विभाजनवादी राजकारण करायचे नाही, असे ममता बॅनर्जी म्हणाल्या. “इथे प्रत्येक जण शांततेत राहतो. कोणत्याही भूलथापांना बळी पडू नका. पश्चिम बंगालमध्ये अशांतता निर्माण करण्याचा मोदी सरकारचा प्रयत्न आहे. मात्र पश्चिम बंगालमध्ये अशी कारस्थाने रचली जात असतील, तर ते मी सहन करणार नाही. आम्हाला शांतता हवी आहे. आम्हाला दंगली नको आहेत. आमच्या देशाचे विभाजन व्हावे, अशी आमची इच्छा नाही. मी माझे प्राण देईन, पण लोकांना देशाचे विभाजन करू देणार नाही. आपल्याला देशद्रोही, पैशांची ताकद, केंद्रीय तपास संस्थांविरोधात, लोकांविरोधात लढावे लागेल. मी या लढाईसाठी तयार आहे. माझ्यात ही लढाई लढण्याची हिंमतही आहे,” असे ममता बॅनर्जी म्हणाल्या.

आणखी वाचा

Narendra Modi : “भारतीयांचं स्वप्न पूर्ण करणारा अर्थसंकल्प”, पंतप्रधान नरेंद्र मोदींकडून अर्थसंकल्पाचं कौतुक

Economic Survey: आर्थिक सर्वेक्षण अहवाल सांगतोय २०२५ हे…

शत्रुघ्न सिन्हा दिल्लीत ‘आप’चा प्रचार करणार; तृणमूलकडून काँग्रेसला ‘खामोश’ करण्याची रणनीती

‘या’ धर्मातील नागरिकांसाठी काँग्रेसची मोठी घोषणा, मोफत तीर्थयात्रा घडवणार; केजरीवालांवर भेदभावाचे आरोप

Delhi Elections 2025 : भाजपाचे २७ शिलेदार दिल्लीतील २७ वर्षांचा दुष्काळ संपवणार?

भाजपाने दिल्ली विधानसभा निवडणुकीत फेसबुकवरील जाहिरातींवर किती रुपये खर्च केले?

Delhi Assembly Election : दिल्ली विधानसभा निवडणुकीत रंगणार आप विरुद्ध भाजपा सामना, ‘या’ ९ मतदारसंघात होणार चुरशीची लढत

दिल्लीसाठी भाजप सज्ज; महाराष्ट्र, हरियाणाच्या धर्तीवर सूक्ष्म नियोजनावर भर

हेही वाचा >> १२ तासांची शिफ्ट, आठवड्याला ३ दिवसांची सुट्टी; तामिळनाडूच्या विधेयकावर टीका झाल्यानंतर कामगार संघटनांशी चर्चा

…तर लोकशाही संपुष्टात येईल- ममता बॅनर्जी

रामनवमीच्या पार्श्वभूमीवर पश्चिम बंगालमधील हावडा जिल्ह्यातील शिबपूर आणि हुगळी जिल्ह्यातील रिश्रा येथे जातीय दंगली झाल्या. या दंगली भाजपामुळेच झाल्या, असा दावा ममता बॅनर्जी यांनी या वेळी केला. “काही लोक भाजपाकडून पैसे घेतात आणि आम्ही मुस्लिमांच्या मतांचे विभाजन करू, असे सांगतात. मात्र असे करण्याची त्यांच्यात हिंमत नाही. साधारण एका वर्षानंतर लोकसभेची निवडणूक आहे. या निवडणुकीत कोणाची सत्ता येणार हे निश्चित केले जाईल. त्यामुळे विभाजनवादी शक्तींविरोधात लढण्याचा आपण संकल्प करू या. आपण सर्वांनी आगामी निवडणुकीसाठी मतदान करायला हवे. आपण लोकशाहीचे संरक्षण करण्यात अपयशी ठरलो तर सर्व काही संपुष्टात येईल,” असे ममता बॅनर्जी म्हणाल्या.

तृणमूल, भाजपाकडून ध्रुवीकरणाचे राजकारण

मुस्लिमांना उद्देशून केलेल्या या भाषणानंतर भाजपा तसेच मार्क्सवादी कम्युनिष्ट पक्षाने ममता बॅनर्जी यांच्यावर टीका केली आहे. “ममता बॅनर्जी द्वेषाचे राजकारण करत आहेत. याचे उत्तर लोक लोकशाहीच्या माध्यमातून देतील,” असे भाजपाचे नेते शमिक भट्टाचार्य म्हणाले. तर, “भाजपा आणि तृणमूल काँग्रेस हे दोन्ही पक्ष देशात ध्रुवीकरण निर्माण करण्याचा प्रयत्न करत आहेत. पश्चिम बंगालची ही संस्कृती नाही. भाजपाच्या पश्चिम बंगालमधील प्रवेशाला ममता बॅनर्जी जबाबदार आहेत. आता राष्ट्रीय स्वयंसेवक संघ अशा जातीयवादी संघटनेसारख्या ‘जमाती’शी हातमिळवणी करून त्या राजकारण करत आहेत. आपल्याला हा लढा लोकांना सोबत घेऊन लोकशाहीच्या मार्गाने लढावा लागणार आहे,” अशी प्रतिक्रिया मार्क्सवादी कम्युनिष्ट पक्षाचे नेते एम.डी. सेलीम यांनी व्यक्त केली.

हेही वाचा >> Karnataka Polls : बसवराज बोम्मई यांना बंजारा समाजाचे आव्हान; गर्भाशय काढून टाकण्याचे प्रकरण काय आहे?

भ्रष्टाचाराच्या आरोपामुळे आम्ही बॅकफुटवर

दरम्यान, ममता बॅनर्जी यांनी केलेल्या या भाषणाचे तृणमूलच्या नेत्यांनी समर्थन केले आहे. “मागील काही दिवसांपासून पश्चिम बंगालमधील सरकारवर भ्रष्टाचाराचे आरोप झालेले आहेत. याच कारणामुळे तृणमूल काँग्रेस पक्षाचे समर्थन घटले आहे. त्याचा परिणाम सागरदिघी या मतदारसंघातील पोटनिवडणुकीत दिसून आला. काँग्रेस आणि मार्क्सवादी कम्युनिष्ट पक्षाने युती केल्यामुळे या जागेवर आमचा पराभव झाला. हावडा आणि हुगळी येथील जातीय दंगलीनंतर ममता बॅनर्जी भाजपाविरोधात आक्रमकपणे प्रचार करत आहेत. त्यामुळे अल्पसंख्याक मतदारांमध्ये तृणमूलबाबत पुन्हा एकदा विश्वास निर्माण होत आहे,” असे तृणमूलचे वरिष्ठ नेते म्हणाले आहेत.