बुलढाणा : बुलढाणा लोकसभा मतदारसंघावर वंचित बहुजन आघाडीने दावा केल्याने उमेदवारीची गुंतागुंत वाढली आहे. बुलढाण्यातील वंचितची निर्णायक स्थिती लक्षात घेता, या मागणीमुळे आघाडीतील पेच वाढल्याचे चित्र आहे. बुलढाणा मतदारसंघासाठी शिवसेना उद्धव बाळासाहेब ठाकरे पक्ष संवेदनशील व जोरकसपणे आग्रही आहे. गद्दारांना काहीही करून पराभूत करायचेच, असा निर्धार ठाकरे गटाच्या नेत्यांनी वेळोवेळी बोलून दाखविला आहे. ‘मातोश्री’वर नुकत्याच पार पडलेल्या बैठकीत हा निर्धार तिखट शब्दात बोलून दाखविण्यात आला. यावेळी उपस्थित पदाधिकाऱ्यांनी उमेदवारीसाठी जिल्हा संपर्कप्रमुख नरेंद्र खेडेकर यांचे नाव सुचविले. यामुळे (आघाडीकडूनही) उमेदवारी पक्की असे समजून खेडेकर समर्थकांनी जल्लोष साजरा केला. मात्र, दुसऱ्याच दिवशी एका पदाधिकाऱ्याने माध्यमांशी बोलताना, उमेदवारीचा अंतिम निर्णय पक्षप्रमुख घेतील, असे सांगून जल्लोषातील हवा काढून घेतली.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
