एक ओबीसी, तर एक हिंदुत्वाचा चेहरा; भाजपाने छत्तीसगडला दिलेले दोन उपमुख्यमंत्री कोण आहेत?

विष्णू देव साय यांची १० डिसेंबर रोजी छत्तीसगडचे नवे मुख्यमंत्री म्हणून निवड करण्यात आली. मात्र, तोपर्यंत शर्मा आणि साव यांची उपमुख्यमंत्री म्हणून घोषणा झालेली नव्हती.

विष्णूदेव साय यांनी मुख्यमंत्रिपदाची शपथ घेतली. यावेळी अरुण साव आणि विजय शर्मा यांनीदेखील उपमुख्यमंत्रिपदाची शपथ घेतली. (PTI Photo)

विष्णू देव साय यांनी छत्तीसगडचे मुख्यमंत्री म्हणून शपथ घेतली आहे. बुधवारी (१३ डिसेंबर) पंतप्रधान नरेंद्र मोदी यांच्या उपस्थितीत हा शपथग्रहण समारंभ पार पडला. त्यासह छत्तीसगड राज्यासाठी अरुण साव, तसेच विजय शर्मा या दोन नेत्यांची उपमुख्यमंत्री म्हणून नियुक्ती करण्यात आली आहे. अरुण साव हे ओबीसी समाजातून येतात; तर विजय शर्मा हे छत्तीसगडमधील हिंदुत्वाचा चेहरा मानले जात आहेत. आगामी लोकसभेची निवडणूक अवघ्या काही महिन्यांवर येऊन ठेपली आहे. हीच निवडणूक लक्षात घेता, ओबीसी तसेच हिंदू मतांना आकर्षित करण्यासाठी भाजपाने हा निर्णय घेतल्याचे म्हटले जात आहे.

विष्णू देव साय यांची मुख्यमंत्री म्हणून निवड

विष्णू देव साय यांची १० डिसेंबर रोजी छत्तीसगडचे नवे मुख्यमंत्री म्हणून निवड करण्यात आली. मात्र, तोपर्यंत शर्मा आणि साव यांची उपमुख्यमंत्री म्हणून घोषणा झालेली नव्हती. विशेष म्हणजे शपथविधी पार पडेपर्यंत हे दोन्ही नेते उपमुख्यमंत्री होतील, अशी घोषणा करण्यात आली नव्हती.

आणखी वाचा

देवेंद्र फडणवीसच भाजपचा मुख्यमंत्रीपदाचा चेहरा ?

ankita walawalkar aka kokan hearted girl first told to raj thackeray about her marriage

“लग्नाची बातमी सर्वात आधी राज ठाकरेंना…”, प्रेमाची जाहीर…

Uddhav Thackeray challenge regarding the name of Mahayuti Chief Minister Mumbai news

आधी महायुतीचा ‘चेहरा’ जाहीर करा! मुख्यमंत्रीपदाच्या नावाबाबत उद्धव ठाकरे यांचे आव्हान

Eknath Shinde : “हरियाणाप्रमाणेच आता महाराष्ट्रातील जनताही काँग्रेसच्या…”; भाजपाच्या विजयानंतर नेमकं काय म्हणाले मुख्यमंत्री एकनाथ शिंदे?

Prime Minister Narendra Modi Home Minister Amit Shah visit Thane district

मुख्यमंत्र्यांच्या ठाण्यात भाजपची मोर्चेबांधणी सुरू; पंतप्रधान नरेंद्र मोदी, गृहमंत्री अमित शहा यांचा ठाणे जिल्हा दौरा

Udayanidhi Stalin become deputy chief minister

Udhaynidhi DCM : तमिळनाडूच्या मंत्रिमंडळात मोठे फेरबदल; उदयनिधी यांची उपमुख्यमंत्री पदी नियुक्ती, तर तुरुंगातून सुटून आलेल्या नेत्यालाही मंत्रीपदाची माळ!

Congress leaders in Nagpur claimed that state president Nana Patole will be the next chief minister

“पुढचा मुख्यमंत्री विदर्भातीलच,” काँग्रेस नेत्यांचा नाना पटोलेंच्या नावावर…

Eknath Shinde Buldhana, Congress leaders Buldhana,

बुलढाणा : मुख्यमंत्री एकनाथ शिंदेंच्या ताफ्यात घुसण्याचा काँग्रेस नेत्यांचा प्रयत्न; काळे झेंडे दाखविले

अरुण साव कोण आहेत?

अरुण साव हे सध्या भाजपाचे प्रदेशाध्यक्ष आहेत. ते साहू (तेली) या समाजातून येत असून, ओबीसी प्रवर्गात मोडतात. ते अगोदर राष्ट्रीय स्वयंसेवक संघाच्या अखिल भारतीय विद्यार्थी परिषद या विद्यार्थी संघटनेचे कार्यकर्ते होते. गेल्या वर्षी म्हणजेच २०२२ मध्ये भाजपाने त्यांच्यावर छत्तीसगडच्या मुख्यमंत्रिपदाची जबाबदारी सोपवली.

दरम्यानच्या काळात साव हे काँग्रेसवर सतत टीका करायचे. गेल्या काही काळात नक्षलवाद्यांकडून भाजपाच्या कार्यकर्त्यांची हत्या करण्यात आली होती. या हत्येमागे काँग्रेसचा हात आहे, असा आरोप साव यांनी केला होता. विशेष म्हणजे हा मुद्दा त्यांनी थेट संसदेतही उपस्थित केला होता. मुंगेली येथे साव यांचा जन्म झाला. त्यांचे वडील अभयराम साव हे संघाचे वरिष्ठ पदाधिकारी होते. आपल्या वडिलांच्या पावलावर पाऊल ठेवत साव हेदेखील संघाशी पर्यायाने भाजपाशी जोडले गेले.

… तरी सामान्य कार्यकर्ता म्हणून काम

आपल्या कारकिर्दीत त्यांना भाजपा पक्षाने अनेक जबाबदाऱ्या दिल्या. ते अखिल भारतीय विद्यार्थी परिषदेत वरिष्ठ पदावर होते. तरीदेखील एक बूथ पातळीवरचा कार्यकर्ता म्हणून ते काम करीत राहिले. काही काळानंतर त्यांची भाजपाशी संबंधित असलेल्या बीजेवायएम या तरुणांच्या संघटनेचे उपाध्यक्ष म्हणून नियुक्ती करण्यात आली.

२०१९ साली लढवली लोकसभेची निवडणूक

साव हे २०१९ साली प्रत्यक्ष निवडणुकीत उतरले. त्यांनी २०१९ साली बिलासपूर या मतदारसंघातून लोकसभेची निवडणूक लढवीत काँग्रेसचे उमेदवार अटल श्रीवास्तव यांना १.४ लाख मतांनी पराभूत केले होते. निवडणुकीत दिलेल्या शपथपत्रानुसार साव यांच्याविरोधात एकही गुन्हा दाखल नाही. त्यांच्याकडे एकूण १.६ कोटी रुपयांची संपत्ती आहे.

भाजपाने नुकत्याच पार पडलेल्या विधानसभा निवडणुकीत एकूण चार खासदारांना तिकीट दिले होते. साव त्यापैकीच एक आहेत. त्यांनी काँग्रेसचे उमेदवार ठाणेश्वर साहू यांना ४५ हजार मतांनी पराभूत केले आहे.

विजय शर्मा कोण आहेत?

विजय शर्मा हे पहिल्यांदाच आमदार म्हणून निवडून आलेले आहेत. छत्तीसगडमध्ये ते भाजपाचा हिंदुत्वाचा चेहरा ठरू शकतात. २०२१ सालच्या जातीय दंगलीत त्यांच्यावर अटकेची कारवाई करण्यात आली होती. ते काही दिवस न्यायालयीन कोठडीत होते. विधानसभा निवडणुकीसाठी त्यांना भाजपाने कावर्धा मतदारसंघातून तिकीट दिले होते. त्यांनी काँग्रेसचे उमेदवार मोहमम्द अकबर यांना ३० हजार मतांनी पराभूत केले होते. अकबर यांनी २०१८ साली या जागेवर तब्बल ५९ हजार मतांच्या फरकाने विजय मिळवला होता.

अकबर यांच्यावर केली होती टीका

निवडणुकीपूर्वी शर्मा यांनी अकबर यांच्यावर सडकून टीका केली होती. “अकबर यांच्या राजकारणामुळे कावर्धा मतदारसंघातील लोक घाबरले आहेत. काँग्रेसने कायद्याचा गैरवापर केलेला आहे. लोकांनी मला फोन कॉल करून आम्ही तुमच्या पाठीशी आहोत, असे सांगितले आहे. ही निवडणूक म्हणजे आत्मसन्मान आणि दहशतवाद संपवण्यासाठीची लढाई आहे. या मतदारसंघातील लोकांनी कधीही अश्रुधूर, कर्फ्यू कधीही पाहिलेला नाही. अनेक लोक तुरुंगात गेले आहेत,” असे शर्मा म्हणाले होते.

१९८९ साली राजकीय कारकिर्दीला सुरुवात

शर्मा यांनी मास्टर्स इन कॉम्प्युटर अॅप्लिकेशन या विषयात पदव्युत्तर पदवीपर्यंतचे शिक्षण घेतलेले आहे. १९८९ साली त्यांच्या राजकीय कारकिर्दीला सुरुवात झाली होती. ते १९८९ साली अखिल भारतीय विद्यार्थी परिषदेचे सदस्य झाले होते. पुढे त्यांची बीजेवायएमचे राज्य अध्यक्ष म्हणून निवड करण्यात आली होती. २०२० साली ते कबीरधाम येथून जिल्हा पंचायत सदस्य म्हणून निवडून आले होते.

तीन महाविद्यालयांत प्राध्यापक

आतापर्यंत त्यांनी तीन महाविद्यालयांत प्राध्यापक म्हणून काम केले आहे. तसेच दोन टेलिकॉम सेक्टरच्या कंपन्यात त्यांनी नोकरी केलेली आहे. त्यांनी राज्यस्तरीय क्रिकेट स्पर्धेत भाग घेतलेला असून, ते आवड म्हणून कविताही करतात.

First published on: 14-12-2023 at 11:46 IST

Web Title: Who are arun sao and vijay sharma chhattisgarh new deputy chief minister prd