मातोश्री’च्या निकटवर्तीय मीना कांबळी नाराज का झाल्या ?

हेही वाचा >>> समीर भुजबळ की राखी जाधव, कोण बाजी मारेल ?

आणखी वाचा

“मन दुखावले, जिव्हारी लागले…” आमदार संजय राठोड असे का म्हणाले?

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

Indira Gandhi: “इंदिरा गांधींना आणीबाणीचा पश्चात्ताप होत होता”, नजमा हेपतुल्ला यांचा आत्मचरित्रात दावा; विश्वासू व्यक्तींबाबतही होती तक्रार!

सोनू निगम कार्यक्रम सोडून गेलेल्या नेत्यांवर नाराज; म्हणाला, “हा सरस्वतीचा अपमान…”

Devendra Fadnavis : “राहुल नार्वेकर पुन्हा येईन म्हणाले नव्हते तरीही पुन्हा आले..”, देवेंद्र फडणवीस यांचं खुमासदार भाषण

Navneet Rana : “मी राजीनामा देतो, पण…”, नवनीत राणांना खासदार बळवंत वानखेडेंचं प्रतिआव्हान!

अमरावती : नवनीत राणा म्‍हणतात, “…तर रवी राणा देखील राजीनामा देतील”

Ramdas Athawale : “मी असताना राज ठाकरेंची महायुतीत गरज काय?”, रामदास आठवलेंचं मोठं विधान

‘मातोश्री’शी जवळीक वाढली तशीच त्यांची राजकीय महत्त्वाकांक्षाही बळावली. २०१२ मध्ये विधान परिषद निवडणुकीसाठी त्यांना उमेदवारी अर्ज भरण्यास सांगण्यात आले. सारी तयारी केली पण ऐनवेळी थांबण्याचा सल्ला देण्यात आला. त्यानंतर मातोश्रीने त्यांचा कधीच आमदारकीसाठी विचार केला नाही. हा सल त्यांच्या मनात कायम राहिला. प्रियंका चतुर्वेदी, नीलम गोऱ्हे वा मनीषा कायंदे आदी अन्य पक्षातून आलेल्यांना खासदारकी-आमदारकी मिळाली, पण शिवसेनेसाठी एवढ्या खस्ता खाऊनही पद मिळाले नाही ही त्यांची नाराजी होती. शिवसेनेने त्यांना मुंबई महानगरपालिकेच्या दोन निवडणुकांमध्ये उमेदवारी दिली. परंतु शिवसेनेचा बालेकिल्ला असलेल्या गिरगाव, चिराबाजार, कुंभारवाडा आणि आसपासच्या परिसरातून त्यांना विजयी होता आले नाही.

एकेकाळी शिवसैनिकांच्या मनात मानाचे स्थान मिळविणाऱ्या मीना कांबळी यांच्याबद्दल महिला आघाडीमध्ये नाराजीचा सूर उमटू लागला. त्याबद्दल ‘मातोश्री’वर तक्रारी जाऊ लागल्या. पण ‘मातोश्री’ नेही कानाडोळा केला आणि महिला आघाडीत धुसफूस सुरू झाली. मीना कांबळी यांच्याविरोधात ‘ मातोश्री’वर तक्रार करणाऱ्या महिला पदाधिकारी आशा मामेडी शिवसेनेला जय महाराष्ट्र करीत एकनाथ शिंदे यांच्या गटात सामील झाल्या. त्यातून मीना कांबळी यांच्याविरोधातील धुसफूस चव्हाट्यावर आली. तरीही ठाकरे यांनी त्याची फारशी दखल घेतली नाही.

हेही वाचा >>> कोल्हापूरमध्ये हसन मुश्रीफ यांचा घोषणांचा सुकाळ, प्रत्यक्ष हाती किती लागणार ?

मुंबई महानगरपालिकेच्या गेल्या निवडणुकीत दक्षिण मुंबईत शिवसेनेचा सपाटून पराभव झाला होता. त्यावेळी निवडणुकीच्या रिंगणात मीना कांबळी यांनाही उतरविण्यात आले होते. परंतु त्यांना पराभव पत्करावा लागला होता. दक्षिण मुंबईत तेव्हा भाजपने वर्चस्व प्रस्थापित केले. दक्षिण मुंबईत शिवसेनेचा एवढा मानहानीकारक पराभव यापूर्वी कधीच झाला नव्हता. दक्षिण मुंबईत पक्षातील त्यांचे महत्त्व आपोआप कमी कमी होत गेले. तरीही रश्मी ठाकरे यांच्या निकटवर्तीयांच्या यादीत त्यांचे स्थान कायम होते. एकनाथ शिंदे यांच्या बंडानंतर शिवसेनेतील समीकरणे बदलली होती. ठाण्यातील टेंभी नाका येथील नवरात्रौत्सवाला रश्मी ठाकरे भेट देण्यासाठी गेल्या वर्षी व यंदा आल्या तेव्हा महिला आघाडीची मुंबईतील फौज त्यांच्याबरोबर होती. यंदा मीना कांबळी नव्हत्या. त्याच दिवशी त्यांचा शिंदे गटात प्र‌वेश झाला. विधान परिषदेची आमदारकी आणि उद्धव ठाकरे यांच्या मुख्यमंत्रीपदाच्या कार्यकाळात क्रीडा क्षेत्रात नैपुण्य मिळविणाऱ्या भाच्याला सरकारी नोकरी मिळू शकली नाही, हा सल आपल्या मनात कायम असल्याचे मीना कांबळी यांनी ठाकरे गटाला रामराम ठोकल्यावर दिलेल्या मुलाखतीत म्हटले आहे.

दोनच दिवसांपूर्वी शिवसेनेच्या नेतेमंडळींची यादी जाहीर झाली. तेव्हापासून मीना कांबळी नाराज होत्या, असे म्हटले जाते. तशी भावनाही त्यांनी व्यक्त केली.

ठाकरे गट सोडून शिंदे गटात दाखल झालेल्या मीना कांबळी यांना दक्षिण मुंबईत चमक दाखविण्यासाठी किती संधी मिळेल हे एक प्रश्नचिन्हच आहे. कारण शिंदे गटाची भाजपशी युती आहे. ठाकरे गटाला नामहोरम करण्यासाठी त्यांचा वापर करून घेतला जाऊ शकतो. नीलम गोऱ्हे, मनीषा कायंदे यानंतर मीना कांबळी या तीन महत्त्वाच्या महिला नेत्यांनी गेल्या सहा महिन्यांत ठाकरे गटाची साथ सोडली. याचा उद्धव ठाकरे यांनाही जरूर विचार करावा लागणार आहे.