तरुणांना निवडणूक खुणावतेय, मात्र भवितव्य अधांतरी! प्रा. बदखल, डॉ. खुटेमाटे, बंडू धोतरे, डॉ. गावतुरे, ॲड. घोटेकर संधीच्या शोधात

जिल्ह्यात आजघडीला भाजप, काँग्रेस, शिवसेना, राष्ट्रवादी काँग्रेस व मनसे तथा इतरही राजकीय पक्षांत वर्चस्व ठेवून असलेले नेत्यांच्याच हाती सर्व सूत्रे आहेत. त्यामुळे तरुणांना सक्रिय राजकारणाची संधी अजूनपर्यंत तरी मिळालेली नाही. अपक्ष आमदार किशोर जोरगेवार हे एकमेव उदाहरण सोडले तर युवकांपासून खासदारकी व आमदारकी दूरच आहे. मात्र, आता काही उच्चविद्याविभूषित तरुण राजकारणात सक्रिय होऊ पाहत आहेत.

आणखी वाचा

बाबा सिद्दीकींच्या हत्येनंतर शरद पवारांनी केली देवेंद्र फडणवीसांच्या राजीनाम्याची मागणी; म्हणाले, “गृहमंत्री एवढ्या सौम्यतेने…”

“लग्नाची बातमी सर्वात आधी राज ठाकरेंना…”, प्रेमाची जाहीर…

पिंपरी : वडिलधाऱ्यांनी वयाच्या सत्तरीनंतर मुलांकडे जबाबदारी दिली पाहिजे; अजित पवार यांचा शरद पवार यांच्यावर निशाणा

“…तर आम्ही लाडकी बहीण योजना सुरुच केली नसती”; नितीन गडकरींच्या ‘त्या’ विधानावर अजित पवारांची प्रतिक्रिया

“उद्धव ठाकरेंनी आनंद दिघेंचं खच्चीकरण केलं”, रामदास कदम यांचा गंभीर आरोप; म्हणाले, “त्यांच्या मृत्यूच्या काही दिवसांपूर्वीच… ”

गर्दी जमविण्यासाठी भाजप ‘दक्ष’; गडकरींच्या सभेला अल्प उपस्थितीनंतर पदाधिकाऱ्यांना जाग

“उद्धव ठाकरेंना मविआतून बाहेर काढण्याचा प्रयत्न सुरू आहे” म्हणणाऱ्या चंद्रशेखर बावनकुळेंना ठाकरे गटाचे प्रत्युत्तर; म्हणाले…

डोंबिवलीत मंत्री रवींद्र चव्हाण यांच्या वाढदिवसाची टिंगल करणारे फलक लावणाऱ्यांविरुध्द गुन्हा

या यादीत पहिले नाव डॉ. चेतन खुटेमाटे यांचे आहे. त्यांनी वरोरा मतदारसंघातून काँग्रेसकडून उमेदवारी मागितली आहे. शैक्षणिक व खासगी शिकवणीच्या व्यवसायात स्वत:ची वेगळी ओळख निर्माण करणारे व आयआयएममधून एमबीएची पदवी प्राप्त केलेले प्रा. विजय बदखल यांनीही काँग्रेस पक्षाकडे वरोरा मतदारसंघातून उमेदवारी मागितली आहे. या दोघांनीही संवादाच्या माध्यमातून कुणबी समाजासाठी काम सुरू केले आहे. याच मतदारसंघातून माजी मंत्री संजय देवतळे यांचे पुत्र करण देवतळे यांनी भाजपकडून उमेदवारी मागितली आहे.

हेही वाचा >>> Maharashtra Election 2024 : अहमदपूरच्या राजकारणाला नवे वळण

अनुसूचित जातीसाठी राखीव असलेल्या चंद्रपूर मतदारसंघातून उच्चशिक्षित ॲड. राहुल घोटेकर, ॲड. प्रशांत रामटेके यांनी काँग्रेसकडे उमेदवारी मागितली आहे. ॲड. घोटेकर भाजपचे माजी नगरसेवक आहेत. मुनगंटीवार यांनीही ॲड. घाेटेकर यांच्यासाठीच प्रयत्न करायचे ठरवले होते. मात्र, काँग्रेस नेत्यांशी जवळीक घोटेकर यांना भाजपपासून दूर घेऊन गेली.

हेही वाचा >>> महाविकास आघाडीत जळगाववरून तिढा! शरद पवार आग्रही; चारदा पराभव, तरीही काँग्रेस हट्ट सोडेना

बल्लारपूर मतदारसंघात डॉ. अभिलाषा गावतुरे, युवक काँग्रेस अध्यक्ष शंतनू धोटे यांनी काँग्रेसकडे उमेदवारी मागितली आहे. सामाजिक कार्यात आघाडी, ‘अदानी गो बॅक’ आंदोलन, ‘निर्भय बनो’चा लढा लढणारे वन्यजीव व पर्यावरणप्रेमी बंडू धोतरे यांनीही काँग्रेसकडे येथून उमेदवारी मागितली आहे. ओबीसींसाठी लढा लढत असलेल्या ॲड. अंजली साळवे यांनी शरद पवारांच्या राष्ट्रवादीकडे उमेदवारी मागितली आहे.

दुसरीकडे कौटुंबिक राजकीय पार्श्वभूमी व पाठबळ असलेले युवकही उमेदवारीसाठी इच्छुक आहेत. यामध्ये विरोधी पक्षनेते विजय वडेट्टीवार यांची कन्या तथा प्रदेश युवक काँग्रेसच्या सरचिटणीस शिवानी वडेट्टीवार यांचे नाव आघाडीवर आहे. त्या सोबतच खासदार प्रतिभा धानोरकर यांचे बंधू प्रवीण काकडे यांनाही वरोरा मतदारसंघातून काँग्रेसची उमेदवारी हवी आहे. यापूर्वीही जिल्ह्यातील अनेक राजकीय नेत्यांच्या मुलांनी राजकारणात सक्रिय राहून आमदार व खासदार होण्याचा अयशस्वी प्रयत्न केला. किमान आतातरी राजकीय पक्ष या तरुणांना संधी देतील, अशी अपेक्षा या तरुणांनी व्यक्त केली आहे.