आंध्रप्रदेश: पोटनिवडणुकीत वायएसआर काँग्रेसला मोठ्या विजयाची अपेक्षा, तर सत्ताधारी पक्षाकडे दाखवण्यास काही नसल्याचा भाजपाचा दावा 

वायएसआर काँग्रेसचे जिल्हा प्रभारी बालिनेनी श्रीनिवास रेड्डी म्हणाले की “गौतम रेड्डी यांनी मतदार संघात भरपूर काम केले आहे. याचा फायदा गौतम रेड्डी त्यांच्या भावाला हा निवडणुकीत नक्कीच होईल. आत्मकुर हा आमचा बालेकिल्ला आहे. आम्ही घरोघरी जाऊन प्रचार केला आहे. त्यामुळे आमचा विजय निश्चित आहे”. 

एकूण १४ उमेदवार रिंगणात आहेत. भाजपाने जी भरतकुमार यादव यांना उमेदवारी दिली आहे. तर बसपचे एन ओबेलशु आणि इंडियन मुस्लिम लीगचे शेख मोईनुद्दीन हे निवडणुकीच्या रिंगणात आहेत. तुलनेने भाजपाचे उमेदवार हे नवखे आहेत. वायएसआर काँग्रेस त्यांच्या सरकारने केलेल्या कामांचा दाखला देत आहे आणि त्या जोरावरच मते मागत आहे. तर भाजपा आणि इतर प्रतिस्पर्धी पक्ष त्यांच्या चुकांवर बोट ठेवत आहेत. 

भाजपाच्या आंध्रप्रदेश युनिटचे अध्यक्ष सोमू विराजू म्हणाले की “वायएसआर काँग्रेसकडे विकासाच्या नावावर दाखवण्यासारखे काही नाही. त्यांच्या सर्व योजना फक्त कागदावरच आहेत. 

नेल्लोर  लोकसभा मतदारसंघाचा भाग असणाऱ्या आत्मकुर मतदार संघात अंदाजे २.१२ लाख मतदार आहेत. सुमारे ७८ मतदान केंद्रे संवेदनशील आहेत. राज्याचे मुख्य निवडणूक अधिकारी मुकेशकुमार मीना यांनी सांगितले की, पोटनिवडणूक सुरळीत पार पडण्यासाठी १३,०० सुरक्षा कर्मचारी तैनात करण्यात आले आहेत. २६ जून रोजी या निवडणुकीची मतमोजणी होणार आहे.