पुणे : आदर पूनावाला यांच्या नावाने सीरम इन्स्टिट्यूटची १ कोटींची फसवणूक

सीरम इन्स्टिट्यूटचे मुख्य कार्यकारी अधिकारी आदर पूनावाला यांच्या नावाने समजमाध्यमवर बनावट माहिती पाठवून सीरम इन्स्टिट्यूटला तब्बल १ कोटी रुपयांना गंडा घालण्यात आल्याचा प्रकार उघडकीस आला आहे. हा प्रकार ७ ते ८ सप्टेंबर दरम्यान घडला आहे.याबाबत सीरम इन्स्टिट्यूटचे वित्तीय अधिकारी सागर कित्तुर (वय ४४, रा. कोंढवा) यांनी बंडगार्डन पोलीस ठाण्यात फिर्याद दिली आहे.पोलिसांनी दिलेल्या माहितीनुसार, सागर कित्तुर हे सीरम इन्स्टिट्यूटमध्ये वित्तीय व्यवस्थापक आहेत़ तर सतीश देशपांडे हे कंपनीचे संचालक आहेत़ .

हेही वाचा : पुणे : विसर्जन मिरवणुकीत अनेकाचे मोबाइल संच गहाळ

आदर पूनावाला हे कंपनीचे मुख्य कार्यकारी अधिकारी असून त्यांच्या नावे बनावट संदेश देशपांडे यांना पाठविण्यात आले़. त्यात काही बँक खात्यांचे तपशील देऊन त्यावर तात्काळ पैसे पाठविण्यास सांगितले.

Fraudsters duped vaccine-maker Serum Institute of India of over Rs 1 cr by sending messages in name of its CEO Adar Poonawalla & asking for transfer of money. FIR registered for cheating & offence u/s of IT Act against unidentified persons in Bund Garden PS: Pune Police officials

— ANI (@ANI) September 10, 2022

संदेश खरे वाटल्याने कंपनीच्या खात्यावरुन विविध बँक खात्यावर एकूण १ कोटी १ लाख १ हजार ५५४ रुपये पाठविण्यात आले. त्यानंतर कंपनीची फसवणूक झाल्याचे लक्षात आल्यावर पोलिसांकडे फिर्याद देण्यात आली असून पोलीस निरीक्षक अश्विनी सातपुते तपास करीत आहेत.