पुणे जिल्ह्यात १०३ जणांना नव्याने करोना संसर्ग

पुणे : बुधवारी दिवसभरात जिल्ह्यातील १०३ जणांना करोना संसर्गाचे निदान झाले. राज्याच्या साथरोग सर्वेक्षण विभागाने याबाबत माहिती दिली. मात्र, बहुसंख्य करोना रुग्णांना सौम्य लक्षणे असून ते घरच्या घरी बरे होत असल्याने घाबरून जाण्याचे कारण नसल्याचे सार्वजनिक आरोग्य विभागाकडून स्पष्ट करण्यात आले आहे. बुधवारी दिवसभरात आढळलेल्या १०३ नवीन रुग्णांपैकी ४९ रुग्ण पुणे महापालिका क्षेत्रातील आहेत. ३८ रुग्ण पिंपरी-चिंचवड महापालिका क्षेत्रात, तर १६ रुग्ण जिल्ह्याच्या उर्वरित भागात आढळले आहेत.