दहावी, बारावीच्या पुरवणी परीक्षेचा निकाल जाहीर… किती विद्यार्थी झाले उत्तीर्ण?

राज्य मंडळाचे अध्यक्ष शरद गोसावी, सचिव अनुराधा ओक यांनी निकालाबाबतची माहिती दिली. राज्य मंडळातर्फे दहावीची पुरवणी परीक्षा १६ जुलै ते ३० ऑगस्ट या कालावधीत, तर बारावीची पुरवणी परीक्षा १६ जुलै ते ८ ऑगस्ट या कालावधीत घेण्यात आली. गुणपडताळणी, छायाप्रतीसाठी २४ ऑगस्ट ते २ सप्टेंबर या कालावधीत अर्ज करता येणार आहे. पुनर्मूल्यांकनासाठी आधी उत्तरपत्रिकेची छायाप्रत घेणे आवश्यक आहे.

आणखी वाचा

टीईटीचा अंतरिम निकाल जाहीर

Economic Survey: आर्थिक सर्वेक्षण अहवाल सांगतोय २०२५ हे…

‘रेरा’च्या परीक्षेत पुण्याचा प्रवीण कांबळे प्रथम! राज्यात ६ हजार ७५५ उमेदवार उत्तीर्ण; मुंबईतील ८४ वर्षीय व्यक्तीचेही यश

राज्य मंडळाचा मोठा निर्णय… दहावी, बारावीच्या परीक्षेत गैरप्रकार झाल्यास केंद्रांची मान्यता कायमस्वरुपी रद्द

बोर्डाच्या दहावी, बारावीच्या विद्यार्थ्यांना मिळणाऱ्या ‘ग्रेस’ गुणांबाबत मोठा निर्णय…

पालिकेच्या सीबीएसई आणि आयसीएसई शाळेचे विद्यार्थी प्रथमच दहावीची परीक्षा देणार, पालिकेच्या शिक्षण विभागाची कसोटी

महारेराच्या दलालांच्या सहाव्या परीक्षेचा निकाल जाहीर, ७६२४ पैकी ६७५५ परीक्षार्थी उत्तीर्ण

खबरदार ! परीक्षेत विद्यार्थ्याकडे मोबाईल आढळल्यास आता इतके वर्ष…

हेही वाचा – पुणे : शिरुर पोलीस ठाण्यासमोर डिझेल ओतून महिलेचा आत्महत्येचा प्रयत्न

यंदा दहावीच्या पुरवणी परीक्षेचा निकाल ३६.७८ टक्के लागला. राज्यभरातून दहावीच्या ३२ हजार ३८६ विद्यार्थ्यांनी नोंदणी केली होती. प्रत्यक्ष परीक्षा दिलेल्या ३१ हजार २७० विद्यार्थ्यांपैकी ११ हजार ५०२ विद्यार्थी उत्तीर्ण झाले. त्यात ३५.८९ टक्के मुले, तर ३८.८८ टक्के मुली आहेत. विभागीय मंडळनिहाय निकालामध्ये पुणे विभागातील १ हजार ७७१ (२८.६० टक्के), नागपूर विभागातील १हजार ४०९ (४९.९१ टक्के), छत्रपती संभाजीनगर विभागातील १ हजार ६८३ (४९.९४ टक्के), मुंबई विभागातील २ हजार ९५१ (२७.७६ टक्के), कोल्हापूर विभागातील ६३१ (३२.८१ टक्के), अमरावती विभागातील ६५१ (४०.२१ टक्के), नाशिक विभागातील १ हजार ३८५ (५२.०६ टक्के), लातूर विभागातील ९४४ (५०.३४ टक्के), तर कोकण विभागातील ७७ (४२.५४ टक्के) विद्यार्थी उत्तीर्ण झाले. गेल्यावर्षीच्या तुलनेत यंदा दहावीचा निकाल ६.९२ टक्क्यांनी वाढला.

हेही वाचा – Sharad Pawar : “मुख्यमंत्रीपदामध्ये रस नाही, परिवर्तनासाठी सत्ता हवी”, शरद पवार यांचे स्पष्टीकरण

बारावीच्या पुरवणी परीक्षेचा निकाल ३२.४६ टक्के लागला. बारावीच्या ६० हजार १६० विद्यार्थ्यांनी परीक्षेसाठी नोंदणी केली होती. प्रत्यक्ष परीक्षा दिलेल्या ५९ हजार २०० विद्यार्थ्यांपैकी १९ हजार २१७ विद्यार्थी उत्तीर्ण झाले. त्यात विज्ञान शाखेचे १० हजार ४४९ (५२.५२ टक्के) कला शाखेचे ४ हजार ८९३ ( २४.८७ टक्के), वाणिज्य शाखेचे ३ हजार ४३० (१९.४४ टक्के), व्यवसाय अभ्यासक्रमाचे ४०६ (२१.६१ टक्के), तर आयटीआयचे ३९ (३३.३३ टक्के) विद्यार्थी उत्तीर्ण झाले. उत्तीर्णांमध्ये ३०.७६ टक्के मुले, तर ३५.५४ टक्के मुली आहेत. विभागीय मंडळनिहाय निकालात पुणे विभागातील २ हजार ७९२ (२६.५७ टक्के), नागपूर विभागातील २ हजार ७०७ (४०.५४ टक्के), छत्रपती संभाजीनगर विभागातील १ हजार ८५४ (४७.९५ टक्के), मुंबई विभागातील ५ हजार ९२९ (२५.५२ टक्के), कोल्हापूर विभागातील १ हजार ३६० (३३.४७ टक्के), अमरावती विभागातील १ हजार ३३५ (४२.५९ टक्के), नाशिक विभागातील १ हजार ३४३ (३६.८६ टक्के), लातूर विभागातील १ हजार ८१६ (४८.१६ टक्के), तर कोकण विभागातील ८१ (२५.६३ टक्के) विद्यार्थी उत्तीर्ण झाले. गेल्यावर्षीच्या तुलनेत यंदा बारावीचा निकाल ०.३३ टक्के वाढला आहे.