पुणे : हडपसर भागात २१ किलो गांजा जप्त; महिलेसह दोघे अटकेत

हेही वाचा- चारित्र्याच्या संशयातून अभियंत्याकडून पत्नीचा खून; पुण्यातील हडपसर भागातील घटना

या प्रकरणी अक्षय भीमा गाडे (वय २५, रा. शिवाजीनगर, नालेगाव, अहमदनगर) याच्यासह एका महिलेला अटक करण्यात आली. हडपसर भागात महिला आणि साथीदार मोटारीतून गांजा विक्रीसाठी येणार असल्याची माहिती गस्त घालणाऱ्या अंमली पदार्थ विरोधी पथकाला मिळाली. त्यानंतर पोलिसांच्या पथकाने संशयित मोटार अडवली. मोटारीची तपासणी केली. तेव्हा मोटारीत ठेवण्यात आलेल्या पिशवीत गांजा सापडला. गाडे आणि महिलेकडून २१ किलो गांजा जप्त करण्यात आला आहे. वरिष्ठ पोलीस निरीक्षक सुनील थोपटे, उपनिरीक्षक एस. डी. नरके, दिगंबर चव्हाण, संतोष देशपांडे, संदीप शेळके, प्रशांत बोमादंडी आदींनी ही कारवाई केली.