पिंपरी महापालिकेकडून मुळा नदी पुनरुज्जीवन प्रकल्पासाठी २७६ कोटी

पिंपरी-चिंचवड आणि पुणे महापालिका हद्दीतून मुळा नदी वाहते. दोन्ही महापालिका हद्दीत या नदीची लांबी ४४.४० किलोमीटर आहे. पिंपरी – चिंचवड महापालिका हद्दीलगत मुळा नदीच्या काठाची लांबी सुमारे १४.२० किलोमीटर इतकी आहे. या पूर्ण नदीचा अधिकांश भाग हा पुणे महापालिका हद्दीत येत असल्याने नदी पुनरुज्जीवन प्रकल्पाचे काम पुणे महापालिकेसोबत संयुक्तरीत्या करण्यात येणार आहे.

आणखी वाचा

धारावी प्रकल्प रद्द करणार! काँग्रेसचा ‘मुंबईनामा’ जाहीर

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

दोन कोटींच्या खंडणीसाठी शासकीय ठेकेदाराचा खून; ग्रामीण पोलिसांकडून एकास अटक; मध्य प्रदेशातून दोघे ताब्यात

विकासकांनी हडपलेल्या सदनिकांची माहिती असमाधानकारक ! पुन्हा माहिती सादर करण्याचे ‘म्हाडा’ला आदेश

गिरणी कामगारांकडून पाच हजार रुपये उकळणे महागात; वांगणीतील विकासकाला कारणे दाखवा नोटीस, म्हाडाच्या मुंबई मंडळाकडून कारवाई

आमचे सरकार आल्यानंतर नि:क्षारीकरण प्रकल्प पुन्हा राबवणार; आदित्य ठाकरे

ठाण्यात ५२ बेकायदा होर्डिंगधारकांना पालिकेच्या नोटीसा, १० कोटी ९६ लाखांचा दंड पालिका करणार वसूल

ठाण्यात मुख्यमंत्र्यांच्या नावाने करोडोंची वसुली, आमदार जितेंद्र आव्हाड यांचा गंभीर आरोप

हेही वाचा >>> जेजुरीच्या खंडोबा गडावर तरुणाला भाविकांच्या टोळक्याकडून बेदम मारहाण

पिंपरी-चिंचवड महापालिका हद्दीतील नदीच्या पुनरुज्जीवनासाठी महापालिकेने निविदा प्रक्रिया राबविली होती. निविदा रक्कम ३२० कोटी ८५ लाख रुपये होती. निविदेला एकवेळा मुदतवाढ दिली. या निविदा प्रक्रियेत चार ठेकेदारांनी सहभाग घेतला. त्यांपैकी एक अपात्र, तर तीन निविदा पात्र झाल्या. बी. जी. शिर्के कन्स्ट्रक्शन टेक्नोलॉजी प्रायव्हेट लिमिटेड कंपनीची निविदा निविदादरापेक्षा १४.२५ टक्क्यांनी कमी दराने आली. तुलनात्मकदृष्ट्या वाजवी दराची आणि ठेकेदार मुदतीमध्ये काम करण्यास सक्षम असल्याने आयुक्त शेखर सिंह यांनी २४ एप्रिल रोजी ही निविदा स्वीकारण्यास मान्यता दिली. त्यानुसार बी. जी. शिर्के कंपनीकडून २७६ कोटी ५४ लाख रुपयांत काम करून घेण्यास आणि त्यांच्यासोबत करारनामा करण्यास स्थायी समितीने मान्यता दिली.