खडकवासला धरणातून ४७०८ क्युसेकने विसर्ग; धरणक्षेत्रात पाऊस कायम

चारही धरणांच्या पाणलोट क्षेत्रात बुधवारी रात्रीपासून गुरुवारी सकाळपर्यंत जोरदार पावसाने हजेरी लावली. बुधवारी रात्रीपासून गुरुवारी सकाळपर्यंत टेमघर धरण क्षेत्रात १३२ मिलिमीटर, वरसगाव धरण परिसरात १२९ मि.मी, पानशेत धरण परिसरात १२८ मि.मी, तर खडकवासला धरण क्षेत्रात ५४ मि.मी पावसाची नोंद झाली आहे. सध्या खडकवासला धरणसाखळी प्रकल्पात १४.११ टीएमसी पाणीसाठा जमा झाला आहे. बुधवारी रात्री चारही धरणांत १३.२१ टीएमसी पाणीसाठा होता. बुधवारी रात्रीच्या तुलनेत गुरुवारी सकाळी तब्बल ०.९० टीएमसीने पाणीसाठ्यात वाढ झाली आहे, असे जलसंपदा विभागाकडून सांगण्यात आले.

आणखी वाचा

मुंबईची हवा पुन्हा प्रदूषित; कुलाबा, कांदिवली येथे ‘वाईट’ हवेची नोंद

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

रविवारपासून पुन्हा ढगाळ वातावरण; जाणून घ्या, थंडीची लाट, कमी दाबाच्या क्षेत्राचा परिणाम

बदलापूर पूर्वेत पसरला रासायनिक वायू; रहिवाशांना डोळे चुरचुरणे, श्वसनाचा त्रास, वायूगळतीचा संशय

पुणे : दरडप्रवण गावातील कामांना गती, २०० कोटींचा निधी मंजूर

कांद्याच्या बोगस पीकविम्याचे पेव फुटले; जाणून घ्या, जिल्हानिहाय कांद्याचा बोगस पीकविमा

मुख्य जलवाहिनीतून गळती, वांद्रे परिसरातील पाणीपुरवठ्यावर परिणाम

२९ गावांचा वसई विरार महापालिकेत समावेश, ३१ हजार हरकतींवर जिल्हाधिकारी कार्यालयात सुनावणी

दरम्यान, बुधवारच्या तुलनेत खडकवासला धरण परिसरात थोडा पाऊस कमी झाल्याने या धरणातून मुठा नदीत सुरू असलेला १३ हजार १३८ क्युसेकच्या विसर्गात गुरुवारी सकाळी ४७०८ क्युसेकपर्यंत कमी करण्यात आला आहे, असे जलसंपदा विभागाकडून सांगण्यात आले.

प्रमुख धरणांमधील पाणीसाठा टीएमसी, टक्क्यांत –

टेमघर                   १.२२      ३२.८२
वरसगाव               ५.८२      ४५.३६
पानशेत                 ५.१३     ४८.२०
खडकवासला        १.९४       ९८.४०
एकूण                    १४.११    ४८.३९