पुणे: पुणे शहराला पाणी पुरवठा करणार्‍या वरसगाव, पानशेत,टेमघर आणि खडकवासला या चार ही धरणात मागील आठवड्याभरापासून संतधार पाऊस सुरू आहे. त्यामुळे धरण साठ्यात झपाट्याने वाढ असून सद्यस्थितीला खडकवासला धरण साखळीत ५२ टक्के, तर १५.१६ इतका पाणी साठा जमा झाला आहे.
राज्यातील अनेक भागात पावसाने दमदार हजेरी लावली असून पुणे शहर आणि आसपासच्या भागात देखील जोरदार पाऊस सुरू आहे.तर पुणे शहराला पाणी पुरवठा करणार्‍या वरसगाव, पानशेत, टेमघर आणि खडकवासला या चार ही धरणात मिळून गतवर्षी आजच्या तारखेला ६९.१९ टक्के, तर २०.१७ टीएमसी जमा होता. तर यंदा आजच्या तारखेला ५२ टक्के, तर १५.१६ टीएमसी इतका पाणी साठा जमा झाला आहे.
आणखी वाचा-पुणे : एकत्रित आत्महत्येस नकार दिल्याने तरुणीच्या खूनाचा प्रयत्न, तरुणाचे स्वत:वरही चाकूने वार
धरण- आजचा पाऊस – टीएमसी – टक्के
खडकवासला – ४ मिमी – १.२७ – ६४.१०
पानशेत – ३९ मिमी – ५.९३ – ५५.६६
वरसगाव – ३३ मिमी – ६.६६ – ५१.४९
टेमघर – ५५ मिमी – १.३१ – ३५.३२
