पुणे : हस्ताक्षर चांगले नसल्याने शिक्षिकेकडून विद्यार्थ्याला मारहाण; शिक्षिकेच्या विरोधात अदखलपात्र गुन्ह्याची नोंद

हस्ताक्षर चांगले नसल्याने शिक्षिकेने विद्यार्थ्याला मारहाण केली. त्याला वर्गात बसण्यास मनाई करून घरी जाण्यास सांगितले. मारहाणीचा प्रकार कुटुंबीयांना सांगितल्यास तुला अजून मारेल, अशी धमकी शिक्षिकेने दिल्याची तक्रार मुलाच्या आईने पोलिसांकडे दिली. त्यानंतर पोलिसांनी ३५ वर्षीय शिक्षिकेच्या विरोधात अदखलपात्र गुन्ह्याची नोंद करण्यात आली आहे. पोलीस हवालदार ठाकरे तपास करत आहेत.