कोथरूड येथे भरधाव टेम्पोची आठ वाहनांना धडक, पुण्यात दिवसभरातील दुसरी घटना

या घटनेबाबत माहिती देताना कोथरूड पोलीस ठाण्याचे पोलीस निरीक्षक अप्पा शेवाळे म्हणाले, आशीष गार्डनजवळ एका टेम्पोने साडे सहाच्या सुमारास दुचाकी, चारचाकी, रिक्षा अशा एकूण आठ वाहनांना धडक दिली. या अपघातामुळे संबंधीत वाहनांचे मोठ्या प्रमाणावर नुकसान झाले आहे. दरम्यान, घटनास्थळावरील नागरिकांनी संबंधीत टेम्पो चालकाला चोप देत पोलिसांच्या हवाली केले.