‘लव्ह जिहाद’च्या आरोपावरून मारहाणप्रकरणी गुन्हा दाखल; पुणे विद्यापीठाच्या आवारातील घटना

तक्रारदार विद्यापीठातील कौशल्य विकास केंद्राचा विद्यार्थी आहे. तो आणि त्याची मैत्रीण विद्यापीठातील उपहारगृहातून निघाले होते. त्या वेळी दुचाकीवरून आलेल्या चार ते पाच जणांनी विद्यार्थ्याला अडवले. आम्ही एका हिंदुत्ववादी संघटनेचे कार्यकर्ते आहोत, असे त्यांनी सांगितले. विद्यार्थी आणि त्याच्या मैत्रिणीकडे त्यांनी आधारकार्ड मागितले. दोघांच्या धर्माबाबत त्यांनी विचारणा केली. त्यानंतर तू लव्ह जिहाद करतो का, असा आरोप करून कार्यकर्त्यांनी तरुणीला बाजूला नेले आणि लव्ह जिहादबाबत तिचे समुपदेशन केले.

आणखी वाचा

पिंपरी : मतमोजणीसाठी पिंपरी पोलिसांचा तगडा बंदोबस्त; किती पोलीस असणार तैनात?

पुण्यात मतमोजणीसाठी कडक बंदोबस्त… किती पोलिसांची फौज तैनात?

पुणे जिल्ह्यातील २१ मतदारसंघातील मतमोजणी कधी पूर्ण होणार ? प्रशासनाची तयारी काय ?

पिंपरी, चिंचवड, भोसरी, मावळचा निकाल कधीपर्यंत येणार हाती? प्रशासनाने दिली महत्वाची माहिती

एमपीएससीतर्फे १ डिसेंबरला होणाऱ्या संयुक्त पूर्व परीक्षेसाठी नवे प्रवेश प्रमाणपत्र आवश्यक… काय आहेत मार्गदर्शक सूचना?

हेही वाचा – खासदार श्रीरंग बारणे यांच्या प्रचाराला अजित पवार आले, पार्थ पवार येणार?

हेही वाचा – महायुतीच्या मेळाव्यात ‘मानापमान’ नाटय़; चंद्रकांत पाटील यांच्याकडून ‘नाराज’ कार्यकर्त्यांना सभागृहाबाहेर जाण्याची सूचना

तरुणाला धमकावून त्याच्या कुटुंबीयांच्या मोबाइल क्रमांकावर कार्यकर्त्यांनी संपर्क साधला. तुमच्या मुलाला घेऊन जा, असे त्यांनी तरुणांच्या वडिलांना सांगितले. त्यानंतर कार्यकर्त्यांनी मला बेदम मारहाण केली. मला धमकावून वसतिगृहावर नेले. कपडे भरून निघून जा. परत येथे दिसता कामा नये, अशी धमकी कार्यकर्त्यांनी दिली, असा आरोप तरुणाने वसतिगृहप्रमुखांकडे दिलेल्या तक्रारीत केला होता. तरुणाने याबाबत पोलिसांकडे तक्रार दाखल केल्यानंतर गुन्हा दाखल करण्यात आला आहे. पोलिस निरीक्षक अजित कुलकर्णी यांच्या मार्गदर्शनाखाली पोलीस उपनिरीक्षक जाधव तपास करत आहेत.