पुणे: लोहगाव विमानतळ परिसरात मोटारचालकाला लुटले

पुणे: प्रवासी वाहतूक करणाऱ्या मोटारचालक तरुणाला मारहाण करुन लुटण्यात आल्याची घटना लोहगाव विमानतळ परिसरात घडली. प्रतीक रणवरे (वय २२, रा. येवलेवाडी, कोंढवा) याने याबाबत विमानतळ पोलीस ठाण्यात फिर्याद दिली आहे. या प्रकरणी चोरट्यांच्या विरोधात गु्न्हा दाखल करण्यात आला आहे. रणवरे ॲप आधारित प्रवासी वाहतूक करतो. माेटारचालक रणवरे रात्री प्रवासी वाहतूक करणाऱ्या थांब्याकडे निघाला होता. त्या वेळी चोरट्यांनी त्याला अडवले. मोटार नीट चालविता येत नाही का?, अशी विचारणा करुन चोरट्यांनी त्याला मारहाण करण्यास सुरुवात केली.