पुणे : शिवणेमध्ये विजेच्या धक्क्याने शाळकरी मुलाचा मृत्यू

शिवणे भागताील देशमुखवाडी परिसरातील छोट्या गल्लीतून तो मित्राकडे जात होता. तेथील एका कुंपणाच्या लोखंडी जाळीत वीजप्रवाह उतरला होता. शुभमने जाळीला स्पर्श केला आणि विजेचा धक्का बसून तो कोसळला. त्याला नागरिकांनी रुग्णालयात दाखल केले. उपचारांपूर्वीच त्याचा मृत्यू झाला. शाळकरी मुलाचा मृत्यू झाल्याचे उघडकीस आल्यानंतर परिसरात शोककळा पसरली. या प्रकरणी उत्तमनगर पोलीस ठाण्यात अकस्मात मृत्यू अशी नोंद करण्यात आली आहे. पोलीस, तसेच महावितरणच्या अधिकाऱ्यांनी घटनास्थळाची पाहणी करुन पंचनामा केला.