पुणे:‘डेटिंग ॲप’च्या माध्यमातून तरुणींशी मैत्रीचे आमिष ; ज्येष्ठ नागरिकाला १७ लाखांचा गंडा

डेटिंग ॲपच्या माध्यमातून तरुणींशी मैत्रीच्या आमिषाने एका ज्येष्ठ नागरिकाला सायबर चोरट्यांनी १७ लाख रुपयांचा गंडा घातल्याचा प्रकार उघडकीस आला आहे. या प्रकरणी सायबर चोरट्यांच्या विरोधात वारजे पोलीस ठाण्यात गुन्हा दाखल करण्यात आला आहे.याबाबत एका ज्येष्ठ नागरिकाने वारजे पोलीस ठाण्यात फिर्याद दिली आहे. तक्रारदार ज्येष्ठ नागरिक वारजे भागात राहायला आहेत. ते बँकेत अधिकारी होते. निवृत्तीनंतर त्यांनी एका खासगी कंपनीत नोकरी केली होती. गेल्या वर्षी डिसेंबर महिन्यात श्रेया नावाच्या एका तरुणीने ज्येष्ठ नागरिकाच्या मोबाइल क्रमांकावर संपर्क साधला होता. तेव्हा तिने तरुणींशी मैत्रीचे आमिष दाखविले होते. तक्रारदाराच्या मोबाइल क्रमांकावर तिने तरुणींची छायाचित्रे पाठविली होती.

हेही वाचा >>>पुणे:ठेकेदारांची पाठराखण; अधिकाऱ्यांवर कारवाई?

आणखी वाचा

Pune Cyber Crime: पुनर्विवाहासाठी जाहिरात देणाऱ्या ज्येष्ठाला सायबर चोरट्यांचा गंडा

अल्लू अर्जुनच्या अटक प्रकरणावर नाना पाटेकर म्हणाले, “कोणाला…

Delhi : महाराष्ट्रात भरघोस प्रतिसाद मिळाल्यानंतर आता ‘या’ केंद्रशासित प्रदेशात राबवणार लाडकी बहीण योजना; नावनोंदणीही सुरू!

सतीश वाघ यांची हत्या जुन्या वादातून, पाच लाखांची दिली होती सुपारी – पुणे पोलीस आयुक्त अमितेशकुमार

कामोठेत जेष्ठाची २५ लाखांची ऑनलाईन फसवणूक

जादा परताव्याच्या अमिषाने वृद्धेची ऑनलाईन ट्रेडिंगद्वारे ५७ लाखांची फसवणूक

सेवानिवृत्तवेतन धारकांच्या मदतीला टपाल विभाग, जिल्ह्यात १७०० पेक्षा अधिक जणांना डीएलसी योजनेचा लाभ

सायबरचोरांचे नवे शस्त्र… डिजिटल लग्नपत्रिका! फसवणूक कशी? खबरदारी कोणती?

सुरुवातीला त्यांनी ऑनलाइन पद्धतीने आरोपी श्रेयाच्या बँक खात्यात तीन हजार रुपये पाठविले. त्यानंतर आणखी पैशांची मागणी करण्यात आली. श्रेयाने दिलेल्या बँक खात्यात त्यांनी वेळोेवेळी पैसे पाठविले. दरम्यान, तरुणींशी मैत्री न झाल्याने त्यांनी विचारणा केली. तेव्हा तिने उडवाउडवीची उत्तरे दिली. श्रेयाच्या मोबाइल क्रमांकावर त्यांनी पुन्हा संपर्क साधला. तेव्हा मोबाइल क्रमांक बंद असल्याचे लक्षात आले. फसवणूक झाल्याचे लक्षात आल्यानंतर ज्येष्ठ नागरिकाच्या मुलाने पोलिसांकडे तक्रार अर्ज दिला. तक्रारादाराला आमिष दाखवून वेळोवेळी १७ लाख १० हजार रुपये उकळण्यात आल्याचे उघडकीस आले आहे. गुन्हे शाखेचे पोलीस निरीक्षक दत्ताराम बागवे तपास करत आहेत.