पुणे-मुंबई द्रुतगतीमार्गावर आज दोन तासांचा ब्लॉक; मुंबईकडे जाणारी वाहतूक राहणार बंद

देशातील महत्त्वाचा महामार्ग म्हणून पुणे-मुंबई द्रुतगतीमार्ग ओळखला जातो. याच महामार्गावर तीन दिवसांपूर्वी आडोशी बोगद्याजवळ दरड कोसळली होती. यामुळे मुंबईच्या दिशेने जाणारी वाहतूक तब्बल १७ तास खोळंबली होती. चार तासांच्या अथक प्रयत्नानंतर द्रुतगती मार्गावरील दरड बाजूला करून दोन लेनवरून मुंबईच्या दिशेने वाहतूक सुरळीत केली होती. दुसऱ्या दिवशी दगड आणि माती काढण्यासाठी दोन तासांचा ब्लॉक घेण्यात आला. आता पुन्हा आज (गुरुवारी) बारा ते दोनच्या दरम्यान ब्लॉक घेण्यात येणार असून, उर्वरित सैल झालेले दगड आणि माती काढण्याचं काम करण्यात येणार आहे.

हेही वाचा – रस्त्यांवर खड्डे असताना टोल कशासाठी? राज ठाकरे यांचा सवाल

आणखी वाचा

कोकण, गोव्यासाठी विशेष रेल्वेगाड्या

कल्याण मारहाण प्रकरण: “तो म्हणाला मुख्यमंत्री कार्यालयातून एक…

रिंग रोडसाठी २०० हेक्टर भूसंपादन बाकी; ५०० कोटींच्या निधीची रस्ते विकास महामंडळाकडे मागणी

खोपटे पूल ते कोप्रोली मार्ग लवकरच खड्डेमुक्त, एक किलोमीटर रस्त्याच्या काँक्रीटीकरणासाठी सात कोटींच्या निधीस मंजुरी

फ्लेमिंगोंच्या अधिवासात रस्ता नको, राज्य सरकारच्या पाहणी पथकाच्या अहवालात खाडीकिनारचा रस्ता बंद करण्याची शिफारस

गणेशोत्सवानंतर तीन महिन्यातच ‘लक्ष्मी रस्ता’ पुन्हा राहणार बंद, काय आहे कारण?

परळीतून भाजप नेत्याच्या मुलाचे अपहरण; दोन कोटींच्या खंडणीची मागणी

शिंदे सरकारच्या काळात रस्त्यांची ३० टक्केच कामे पूर्ण, ‘दोन वर्षांत खड्डेमुक्त मुंबई’चे स्वप्न अधुरेच

हेही वाचा – पंतप्रधान नरेंद्र मोदी यांचा पुणे दौरा निश्चित; विविध विकासकामांचे लोकार्पण

एक्सप्रेस वेवरील मुंबईच्या दिशेने जाणारी वाहतूक पूर्णपणे बंद करण्यात येणार आहे. केवळ हलक्या वाहनांसाठी जुन्या पुणे-मुंबई महामार्गावर शिंग्रोबा घाटातून वाहतूक सुरू राहील, अशी माहिती बोरघाट पोलिसांनी दिली आहे. सोमवारी घेण्यात आलेल्या ब्लॉकमुळे सात ते आठ किलोमीटरच्या रांगा पुणे-मुंबई द्रुतगती मार्गावर मुंबईच्या दिशेने लागल्या होत्या. प्रवाशांना नाहक त्रास सहन करावा लागला होता. मुळात दोन तासांचा असलेला ब्लॉक साडेतीन तासांवर पोहोचला तसेच कामही पूर्ण झाले नसल्याने आज पुन्हा दोन तासांचा ब्लॉक घेण्यात येत आहे.