पिंपरी चिंचवड : प्रेयसीसमोर मारहाण झाल्याने तरुणाने आत्महत्या केल्याची खळबळजनक घटना पिंपरी-चिंचवड शहरात घडली आहे. प्रतीक संतोष कुतवळ(वय -२० ) असे आत्महत्या केलेल्या तरुणाचे नाव आहे. या प्रकरणी भोसरी पोलीस ठाण्यात मारहाण करणाऱ्या प्रथमेश महादू पठारेच्या विरोधात गुन्हा दाखल करण्यात आला आहे. संबंधित घटना २५ मे २०२२ रोजी घडली असून तीन दिवसांपूर्वी गुन्हा दाखल करण्यात आला आहे. संतोष जालिंदर कुतवळ यांनी याबाबत फिर्याद दिली आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

हेही वाचा : लोणावळा : महिलेच्या पिशवीतून दीड लाखांचा ऐवज लंपास

आणखी वाचा

पोलिसांनी दिलेल्या माहितीनुसार, आत्महत्या केलेल्या प्रतीकचे मैत्रिणीवर प्रेम होते. या प्रेम संबंधावरून आरोपी प्रथमेश पठारेने प्रेयसीसमोर प्रतीकला मारहाण केली होती. ही घटना भोसरी शास्त्री चौक येथे घडली होती. आपल्या प्रेयसी समोरच मारहाण झाल्याने प्रतीकला ही बाब जिव्हारी लागली, त्यामुळे त्याला खूप वाईट वाटत होते. अपमानीत झालेल्या प्रतीकने टोकाचे पाऊल उचलत आत्महत्या केली . आत्महत्येस प्रवृत्त केल्या प्रकरणी आरोपी प्रथमेश महादू पठारे याच्यावर गुन्हा दाखल करण्यात आला आहे. घटनेचा अधिक तपास भोसरी पोलीस करत आहेत.