महाविद्यालयात झालेल्या भांडणातून एका युवकाला बेदम मारहाण करण्यात आल्याची घटना बाजीराव रस्त्यावर नुकतीच घडली. युवकाच्या डोक्यात सिमेंटचा गट्टू मारल्याने त्याच्या डोक्याला गंभीर दुखापत झाली आहे.पालकांनी दिलेल्या फिर्यादीनंतर विश्रामबाग पोलिसांनी आठ जणांच्या विरोधात गुन्हा दाखल करण्यात आला आहे.
हेही वाचा- Video: सळई चोरल्याच्या आरोपावरून भंगार गोळा करणाऱ्या व्यक्तींना बेदम मारहाण
युवकाला खासगी रुग्णालयात उपचारासाठी दाखल करण्यात आले आहे. महाविद्यालयीन विद्यार्थ्यांमध्ये झालेल्या हाणामारीची गंभीर दाखल पोलिसांनी घेतली असून महाविद्यालयीन प्रशासनाशी संपर्क साधून सूचना देण्यात आल्या आहेत. या घटनेत जखमी झालेला विद्यार्थी बाजीरावर रस्त्यावरील एका कनिष्ठ महाविद्यालयात बारावीत शिकत आहे. गेल्या वर्षी महाविद्यालयाच्या आवारात हाणामारी झाली होती.
गेल्या बुधवारी (१९ ऑक्टोबर) हल्लेखोर टोळक्याने सिमेंटचा गट्टू विद्यार्थ्याच्या डोक्यात मारल्याने तो गंभीर जखमी झाला. नागरिक आणि शिक्षकांनी त्याला रुग्णालयात दाखल केले. वैद्यकीय तपासणीत त्याच्या डोक्याला गंभीर दुखापत झाल्याचे निष्पन्न झाले. त्यानंतर पालकांनी विश्रामबाग पोलीस ठाण्यात नुकतीच फिर्याद दिली. त्यानंतर या प्रकरणात गुन्हा दाखल करण्यात आला.
