Ratan Tata : जतन करावी, अशा ‘रतन’ भेटीची हृद्य आठवण

आपल्या कंपनीतील एक जुना कर्मचारी आजारी आहे, असे कळल्यावर रतन टाटा स्वत: मुंबईहून त्यांना भेटायला पुण्यात आले होते. ती तारीख होती ३ जानेवारी २०२१. कोथरूडमधील गांधी भवनशेजारील वूडलँड सोसायटीत राहणाऱ्या या कर्मचाऱ्याची भेट घेऊन निघत असताना, त्याच सोसायटीत राहणारे मकाशीर व त्यांची मुलगी अदिश्री यांची अगदी योगायोगाने टाटा यांच्याशी भेट झाली होती. त्या वेळी टाटा आवर्जून थांबले आणि त्यांनी या बापलेकीशी काही मिनिटे छान गप्पाही मारल्या.

आणखी वाचा

वाढीव मतदानाचा ‘लाभार्थी’ कोण?

हडपसरमध्ये चालणार ‘एम’ फॅक्टर ! बंडखोर उमेदवाराच्या मतांंवर…

निवडणूक संपताच खिशाला झळ! पुणे, पिंपरी- चिंचवडमध्ये सीएनजी दरवाढीचा दणका; बदललेले दर जाणून घ्या…

‘मावळ पॅटर्न’ यशस्वी होणार का?

प्रतिष्ठेच्या लढतीत कोण बाजी मारणार?

कंत्राटी कामगारांना कार्यालयात मोबाइल वापरण्यास बंदी, पीएमआरडीए प्रशासनाचा निर्णय

पिंपरी : मतमोजणीनिमित्त उद्या ‘या’ भागातील वाहतुकीत बदल

कोथरूडमध्ये चंद्रकांत पाटील यांच्या मताधिक्याची चर्चा

मतटक्का वाढण्यास ‘लाडक्या बहिणीं’चा हातभार?

आणखी वाचा-शाळेच्या आवारात मुलावर अत्याचार, अनैसर्गिक कृत्य प्रकरणी शाळकरी मुलाविरुद्ध गुन्हा दाखल

‘त्या दिवशी मी दळण आणायला बाहेर पडलो होतो. ते घेऊन सोसायटीत आलो, तेव्हा दोन-तीन मोठ्या गाड्या सोसायटीत दिसल्या. सोसायटीचा अध्यक्ष असल्याने त्या कोणाच्या आहेत, याची चौकशी करायला गेलो, तेव्हा लिफ्टपाशी जाऊन थबकलोच. तेथे चक्क रतन टाटा लिफ्टची वाट बघत उभे होते. मी त्यांना नमस्कार केला, तेही माझ्याकडे पाहून हसले. लिफ्ट आल्यावर ते वरच्या मजल्यावर त्यांच्या जुन्या सहकाऱ्याला भेटायला गेले…’ मकाशीर ‘लोकसत्ता’ला आपला अनुभव सांगत होते…

मकाशीर म्हणाले, ‘मी आश्चर्याच्या धक्क्यातून सावरून त्यांच्या सहकाऱ्यांना त्यांच्या येण्याचे कारण विचारले, तेव्हा ते त्यांच्या जुन्या सहकाऱ्याला भेटायला आल्याचे कळले. त्या दिवशी इतक्या मोठ्या माणसात वसलेली मैत्री आणि त्या मैत्रीत वसलेला माणूस मला दिसल्याची जाणीव होऊन कृतकृत्य वाटले. ‘ते परत जाताना, त्यांच्याशी दोन मिनिटे बोलू द्या,’ अशी विनंती मी त्यांच्या सहकाऱ्यांना केली आणि त्यांनीही ती मान्य केली.’

आणखी वाचा-Ratan Tata : रतन टाटा यांच्यावर शासकीय इतमामात होणार अंत्यसंस्कार, राज्य सरकारकडून एक दिवसाचा दुखवटा जाहीर

रतन टाटा परतताना मकाशीर यांना भेटले. त्या वेळी अदिश्रीही बरोबर होती. मकाशीर सांगतात, ‘आम्ही इंग्रजीत बोलायची जुळवाजुळव करत होतो, तेव्हा रतन टाटांनीच आमच्याशी मराठी-हिंदीत संवाद साधायला सुरुवात केली. आम्ही पुन्हा थक्क झालो. निघताना त्यांनी माझ्या मुलीला जे सांगितले, ते पक्के मनावर कोरले गेले. ते म्हणाले होते, ‘सेट युवर गोल अँड फोकस ऑन इट’. माझ्या मुलीसाठी तो कानमंत्रच बनून गेला…’

मोठ्या माणसाचा भारावणारा साधेपणा

मी सोसायटीचा चेअरमन आहे, असे रतन टाटांच्या सहकाऱ्याने त्यांना सांगितल्यावर ते आवर्जून माझ्याशी बोलायला थांबल्याचे मला आठवते. इतका मोठा माणूस माझ्यासारख्या सामान्य माणसाशीही ज्या अदबीने बोलत होता, ते पाहून मी भारावून गेलो. मुळात तेही अत्यंत साधेपणाने आले होते. साधासाच पेहराव, हातात एक कागदी पिशवी आणि त्यात पाण्याची बाटली व औषधाच्या गोळ्या. ‘मी इंडस्ट्रियलिस्ट आहे, बिझनेसमन नाही,’ हे त्यांचे वाक्य मनात कोरले गेले आहे…’ जनता सहकारी बँकेच्या सहकारनगर शाखेत व्यवस्थापक म्हणून काम करणारे अभिजित मकाशीर ही आठवण सांगताना भारून गेले होते.