आपल्याला लैंगिक छळाच्या गुन्ह्य़ांमध्ये गुंतवण्यात प्रा. हरी नरके आणि इतर दोन कार्यकर्त्यांचा हात असल्याचा माजी आमदार लक्ष्मण माने यांनी केलेला आरोप धादांत खोटा व दिशाभूल करणारा असल्याचे स्पष्टीकरण नरके यांनी प्रसिद्धीपत्रकाद्वारे केले आहे. माने यांनी हे आरोप थांबवले नाहीत तर त्यांच्यावर मानहानीची कायदेशीर कारवाई करू, असा अशारा नरके यांनी दिला आहे.
‘माने यांच्यावर गुन्हे दाखल झाल्यानंतरही ते फरार असल्याने त्यांची आणि या प्रकरणाची नि:पक्षपाती चौकशी व्हावी अशी मागणी मी एका लेखाद्वारे केली होती. विद्या बाळ यांच्या नेतृत्वाखालील सत्यशोधन समितीबरोबर मी सातारा येथे पीडित व्यक्ती, पोलीस आणि माने यांच्या समर्थकांना भेटून झाल्या प्रकाराची माहिती घेतली, म्हणून माने माझ्यावर हे आरोप करीत आहेत,’ असे नरके यांनी म्हटले आहे.
आणखी वाचा