पुणे: स्वारगेट परिसरात तंबाखू व्यापाऱ्यावर गोळीबार करणारा गजाआड

पुणे: स्वारगेट भागात तंबाखू व्यापाऱ्यावर गोळीबार करुन चार लाखांची रोकड हिसकावणाऱ्या चोरट्याला पर्वती पोलिसांना अटक केली. वाहन क्रमांकाच्या पाटीवर लिहिलेल्या नावावरुन पोलिसांनी तपास करून गोळीबार करणाऱ्या आरोपीला पकडले.

आणखी वाचा

कल्याणमधील बालिकेचा मारेकरी विशाल गवळी डोंबिवलीतील पोलीस कोठडीत

‘मायक्रो-रिटायरमेंट’ म्हणजे काय? तरुणांमध्ये का वाढतोय हा ट्रेंड?

सायबर गुन्हेगारांनी नागपूरकरांना घातला १४१ कोटींचा गंडा, १३ हजारांवर तक्रारी

कल्याणमधील भटक्या श्वानाचे तीन जणांना चावे, भटक्या श्वानांच्या उपद्रवाने नागरिक, शाळकरी विद्यार्थी त्रस्त

शिराळ्यात गव्यांकडून दोनशे एकर शेतीचे नुकसान

बार्शीत वाघाचे पुन्हा दर्शन; गावकऱ्यांमध्ये दहशत कायम

वायू प्रदूषण नियंत्रण नियमावलीचे उल्लंघन करणाऱ्या २८ बांधकामांना पालिकेची नोटीस

राज्यात तब्बल १६ हजारांहून अधिकवेळा जंगलाला आग

सूरज वाघमोडे (वय २१ रा. भुंडे वस्ती, बावधन) असे अटक करण्यात आलेल्याचे नाव आहे. वाघमोडे मार्केट यार्डात मजूरी करतो. चार दिवसांपूर्वी मंडई भागातील तंबाखू व्यापारी घरी निघाला होता. श्री गणेश कला क्रीडा मंच परिसरात आरोपी वाघमोडे आणि साथीदारांनी तंबाखू व्यापाऱ्यावर पिस्तूलातून गोळीबार केला होता. व्यापाऱ्याकडील चार लाखांची रोकड असलेली पिशवी हिसकावून वाघमोडे आणि साथीदार पसार झाले होते. सीसीटीव्ही चित्रीकरणात पसार झालेल्या वाघमोडे याच्या वाहन क्रमांकाच्या पाटीवर आई असे लिहिले होते. पोलिसांच्या पथकाने वाघमोडेला मार्केट यार्ड भागात पकडले.

आणखी वाचा-दहशतवाद्यांकडून संवेदनशील ठिकाणांचे चित्रीकरण; ‘एनआयए’चा पुण्यात सखोल तपास सुरू

तंबाखू व्यापाऱ्याचे मंडई परिसरात दुकान आहे. दिवसभर जमा झालेली रोकड घेऊन व्यापारी दुचाकीवरुन घरी जायचा. व्यापारी सिंहगड रस्ता भागात राहायला आहे. वाघमोडेने गेल्या काही दिवसांपासून पाळत ठेवली होती, असे तपासात निष्पन्न झाले. पर्वती पोलीस ठाण्याचे वरिष्ठ पोलीस निरीक्षक जयराम पायगुडे, गुन्हे शाखेचे निरीक्षक विजय खोमणे यांच्या मार्गदर्शनाखाली उपनिरीक्षक सुनील जगदाळे, हवालदार कुंदन शिंदे, अमित सुर्वे, प्रकाश मरगजे, नवनाथ भोसले, दयानंद तेलंगे पाटील, प्रशांत शिंदे, किशोर वळे, अनिस तांबोळी आदींनी ही कारवाई केली.