पिंपरी महापालिका आयुक्तांकडून आकसातून कारवाई; उपायुक्त स्मिता झगडे यांचे स्पष्टीकरण

पिंपरी : अतिरिक्त आयुक्तांनी माझी रजा मंजूर केली होती. परदेशात गेल्यानंतर आयुक्तांनी रजा नामंजूर केल्याचे पत्र प्रशासनाने मला पाठवले. आयुक्तांनी आकसातून शासन सेवेत घेण्याबाबतचे पत्र पाठवल्याचे स्पष्टीकरण पिंपरी-चिंचवड महापालिकेच्या उपायुक्त स्मिता झगडे यांनी दिले.

आणखी वाचा

नागपूर : सीआयडी अधिकाऱ्यांची आरोपींना मदत; रितिका मालू ‘हिट अँड रन प्रकरण’

‘मायक्रो-रिटायरमेंट’ म्हणजे काय? तरुणांमध्ये का वाढतोय हा ट्रेंड?

पोलीस अधिकाऱ्याला लाच देणारा एसीबीच्या जाळ्यात

कल्याण न्यायालयातील कर्तव्यावरील अकरा पोलीस निलंबित

नितीन गडकरी यांच्या नावाने १० सराफा व्यावसायिकांची फसवणूक; तोतया सुरक्षा अधिकाऱ्याविरुद्ध गुन्हा

कल्याणच्या विशाल गवळीकडे मनोरुग्ण असल्याचे दाखले;  याच आधारावर यापूर्वी जामीन मिळविल्याची माहिती

राज्यातील महापालिका निवडणुकीबाबत महत्वाची अपडेट, बावनकुळे म्हणाले…

गेल्या दशकात ‘बेस्ट’ला ११ हजार कोटी; उपक्रमाला सापत्न वागणूक दिल्याचा आरोप मुंबई महानगरपालिका प्रशासनाला अमान्य

उपायुक्त झगडे यांची अर्जित रजा मंजूर नसताना परस्पर परदेशात गेल्याचे आयुक्त शेखर सिंह यांनी शासनाला पाठविलेल्या पत्रात म्हटले होते. या बाबत उपायुक्त झगडे म्हणाल्या, माझ्याकडे असलेल्या नागरी सुविधा केंद्र या विभागाचे अतिरिक्त आयुक्त उल्हास जगताप आहेत. नियमानुसार मी त्यांच्याकडून रजा मंजूर करून घेतली होती. अतिरिक्त आयुक्तांना रजा मंजुरीचे अधिकार आहेत. रजा मंजुरीनंतर मी नातेवाईकांच्या लग्नासाठी परदेशात गेले होते. मात्र, परदेशात गेल्यानंतर आयुक्तांनी रजा नामंजूर केल्याचा ई-मेल मला प्रशासनाने पाठविला. तो मेल मी उशिराने बघितला.

आणखी वाचा-डब्ल्यूएचओच्या अकरा सदस्यीय सल्लागार समितीच्या सहअध्यक्षपदी डॉ. भूषण पटवर्धन यांची नियुक्ती

महापालिकेत मला उपायुक्त म्हणून तीन वर्ष पूर्ण झाले नसून शासनाला पाठविलेले पत्र चुकीचे असल्याचा दावा झगडे यांनी केला आहे. अतिरिक्त आयुक्त नियुक्तीबाबत महाराष्ट्र प्रशासकीय लवाद (मॅट) सुरू असलेला वाद आणि वकीलामार्फत आयुक्तांना पाठविलेल्या नोटीसमुळेही आयुक्तांनी पत्र पाठविले असू शकते असेही त्यांनी नमूद केले.