पिंपरी: अग्निप्रतिबंधात्मक उपाययोजनांची माहिती देण्यास व्यावसायिकांकडून टाळाटाळ; ४३ हजार जणांकडून अपूर्ण माहिती, होणार कारवाई

पिंपरी-चिंचवड शहरात ९० हजारांहून अधिक व्यावसायिक आस्थापना आहेत. अग्निसुरक्षा नियमांचे बळकटीकरण आणि काटेकोर पालन सुनिश्चित करण्याच्या उद्देशाने महापालिकेने महिला बचत गटांच्या मदतीने शहरात सर्वेक्षण सुरू केले आहे. सर्वेक्षणादरम्यान व्यावसायिक आस्थापनांनी परिपूर्ण माहिती द्यावी, असे आवाहन महापालिकेने केले होते. मात्र, माहिती देण्यास टाळाटाळ केली जात असल्याचे समोर आले आहे. शहरातील ४३ हजार ९२५ व्यावसायिक आस्थापनांनी अग्निसुरक्षा उपायांबाबत अपूर्ण माहिती सादर केली असल्याचे निदर्शनास आले आहे. महापालिकेने या आस्थापनांना त्यांच्या मोबाइल क्रमांकावर लिंक पाठविली असून, त्याद्वारे आवश्यक माहिती संबंधित आस्थापनांनी त्वरित भरण्याची सूचना प्रशासनाने केली आहे.

आणखी वाचा

कार्तिक यात्रा कालावधीत गर्दी व्यवस्थापन, स्वच्छतेला प्राधान्य, कार्तिकी नियोजनासाठी प्रशासनाची बैठक

१८ ऑक्टोबर पंचांग: नोकरदारांच्या कुंडलीत अच्छे दिन तर…

धारावीकरांसाठी देवनारमध्येही भूखंड; क्षेपणभूमीची १२५ एकर जागा देण्याचा राज्य सरकारचा निर्णय

राज्यात ३४५ पाळणाघरे, सेविका, मदनिसांची नियुक्तीही होणार…

सावधान! पुण्यात बोगस औषधांची विक्री; अन्न व औषध प्रशासनाकडून तीन विक्रेत्यांवर कारवाई

अन्यथा सर्व बांधकामांच्या परवानग्या रोखू, अग्निसुरक्षा नियमांच्या अंमलबजावणीवरून न्यायालयाचा इशारा

धारावीतील अनधिकृत धार्मिक स्थळांचे निष्कासन आणि नियमित करण्यासाठी समिती

झोपु भूखंडाची मालकी विकासकांना देण्यास विरोध! गृहनिर्माण धोरणावर ग्राहक पंचायतीकडून हरकती-सूचना सादर

हेही वाचा… रब्बी हंगामातील पेरण्या अकरा टक्क्यांनी घटल्या ; जाणून घ्या पेरण्यांमध्ये घट होण्याची कारणे

याबाबत अतिरिक्त आयुक्त प्रदीप जांभळे म्हणाले, की आग प्रतिबंधक उपायांमधील त्रुटींकडे दुर्लक्ष करणे परवडणारे नाही. अग्निसुरक्षा उपायांचे पालन आस्थापनांनी केले पाहिजे. सर्व आस्थापना आवश्यक सुरक्षा मानकांचे पालन करतात किंवा नाही याची खात्री सर्वेक्षणाद्वारे केली जात आहे. सर्वेक्षणामध्ये काही आस्थापनांनी अपूर्ण माहिती दिली असल्याचे आढळून आले. या आस्थापनांनी आवश्यक माहितीची पूर्तता करणे गरजेचे आहे. या सर्वेक्षणाच्या माध्यमातून अग्निसुरक्षा पायाभूत सुविधांचे मूल्यांकन होणार आहे. व्यावसायिक आस्थापना मालक आणि भोगवटादारांनी परिपूर्ण माहिती देऊन सहकार्य करावे.

अतिरिक्त आयुक्त प्रदीप जांभळे म्हणाले की, अग्निसुरक्षेविषयी सूचनांचे पालन करण्यास टाळाटाळ अथवा दुर्लक्ष करणाऱ्या आस्थापनांवर दंडात्मक कारवाई केली जाणार आहे. तसेच त्यांची व्यावसायिक आस्थापना लाखबंद करण्यात येणार आहे.