पिंपरी: कविता कुठेही सुचू शकते, अगदी स्मशानातही – सौमित्र

कविता कुठेही सुचू शकते, अगदी स्मशानातही. मात्र, सुचण्याची प्रक्रिया मनात अनेक दिवसांपासून सुरू असते. उत्कृष्ठ कविता सुचण्यासाठी आणि तिच्या सादरीकरणासाठी शब्दसंचय, संवाद कौशल्य आणि चौकस दृष्टीकोन असला पाहिजे, असे मत प्रसिध्द कवी, अभिनेते किशोर कदम तथा सौमित्र यांनी भोसरीतील कविसंमेलनात बोलताना व्यक्त केले. भोसरी कला, क्रीडा मंचच्या वतीने आयोजित गणेश महोत्सवाअंतर्गत काव्यमैफिलीत सौमित्र यांनी प्रेक्षकांशी संवाद साधला. संमेलनाचे उद्घाटन ज्येष्ठ कवी म. भा. चव्हाण यांच्या हस्ते करण्यात आले. पिंपरी प्राधिकरणाचे माजी अध्यक्ष सदाशिव खाडे, संस्थेचे अध्यक्ष ॲड. नितीन लांडगे, विजय फुगे, भरत लांडगे आदी उपस्थित होते.