पुणे : नागरिकांच्या सोयीसाठी खेड तालुक्यातील सर्व महत्त्वाची शासकीय कार्यालये एकत्र करून मध्यवर्ती प्रशासकीय इमारत प्रस्तावित करण्यात आली होती. मात्र, या कामाचा प्रस्ताव रद्द करण्याचे आदेश राज्य सरकारने दिले आहेत. त्यानुसार या जागेवर आता पूर्वी मंजूर असलेल्या खेड पंचायत समितीची इमारत उभी राहणार आहे.मुख्यमंत्री एकनाथ शिंदे यांनी शिरूर लोकसभा मतदार संघाची १५ सप्टेंबर रोजी बैठक घेतली. त्यामध्ये हा निर्णय घेण्यात आला. या बैठकीला शिरूरचे माजी खासदार शिवाजीराव आढळराव पाटील, माजी आमदार शरद सोनवणे आणि संबंधित प्रशासकीय अधिकारी उपस्थित होते. या बैठकीत घेण्यात आलेल्या निर्णयानुसार शुक्रवारी (७ ऑक्टोबर) जिल्हाधिकारी डॉ. राजेश देशमुख यांनी संबंधित जागेवर मध्यवर्ती प्रशासकीय इमारतीचा आदेश रद्द केला असून त्याऐवजी खेड पंचायत इमारतीचे बांधकाम करण्याबाबत कार्यवाही करण्याचे नमूद केले आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
