पिंपरी : पालिका व आयटीडीपी संस्थेत सामंजस्य करार ; वाहतूक कोंडी कमी होण्याच्या दृष्टीने पुढचे पाऊल

पिंपरी चिंचवड शहरात ‘नॉन मोटराइज्ड ट्रान्स्पोर्ट (एनएमटी)’ या धोरणाची अंमलबजावणी करण्यात येणार आहे. त्यासाठी पिंपरी पालिका व आयटीडीपी संस्था यांच्यात सामंजस्य करार करण्यात आला आहे. या कराराच्या माध्यमातून शहरातील नागरिकांमध्ये ‘नॉन मोटराइज्ड ट्रान्स्पोर्ट’ या विषयाशी संबंधित जनजागृती करण्यात येणार आहे. तसेच, सुरक्षित वाहतुकीला प्रोत्साहन देण्यासाठी विविध उपक्रम राबवण्यात येणार आहे. त्यामुळे शहरातील वाहतूक कोंडीचे प्रमाण कमी होईल, अशी माहिती महापालिका आयुक्त् तथा प्रशासक शेखर सिंह यांनी दिली.