अजित पवारांचे विश्वासू संजोग वाघेरेंना शिवसेना ठाकरे गटाकडून मावळ लोकसभेची उमेदवारी!

हेही वाचा >>> पिंपरी : पत्नीने घटस्फोटासाठी कोर्टात अर्ज केल्याच्या रागातून सोसायटीतील वाहनांची तोडफोड

२०१४ पासून संजोग वाघेरे हे लोकसभेची तयारी करत आहेत. मात्र, पक्ष संधी देत नसल्याने त्यांनी शिवसेना उद्धव ठाकरे गटात जाण्याचा जवळपास निर्णय घेतल्याचं त्यांनी सांगितलं. यावेळी संजोग वाघेरे म्हणाले, मातोश्रीवर जाऊन शिवसेना पक्ष प्रमुख उद्धव ठाकरे यांना भेटलो. माझ्या मताबाबत त्यांच्याशी चर्चा केली. मावळ लोकसभा मतदारसंघासाठी मी इच्छुक आहे. माझी ही भूमिका उद्धव ठाकरे यांच्यासमोर मांडली. येणाऱ्या दोन ते तीन दिवसांमध्ये पक्ष प्रवेशा बाबत मी निर्णय घेणार आहे. राष्ट्रवादीचा एक कार्यकर्ता म्हणून गेली अनेक वर्ष झालं मी काम करत आहे. राष्ट्रवादीचे शरद पवार आणि अजित पवार यांच्यावर मी नाराज नाही. स्थानिक नेतृत्वावर देखील माझी कोणावर नाराजी नाही. खासदार व्हायची माझी इच्छा आहे. पिंपरी विधानसभा मतदारसंघावर आणखी पाच वर्षी मागासवर्गीय आरक्षण राहणार आहे. गेल्या २०१४ पासून मी मावळ लोकसभेची तयारी करत आहे. मावळ लोकसभा मतदारसंघ शिंदे गटाला सुटलेला आहे. म्हणून शिवसेनेची दार ठोठावलेली आहेत. पक्षप्रवेशाबाबत दोन- तीन दिवसात निर्णय घेणार आहे अस वाघेरे म्हणाले.